LEXO PA REKLAMA!

SHKARKO APP

“Armët terrorizojnë shqiptarët”/ Akuzat e forta: Banda e Rilindjes, lidhje me krimin e organizuar

3 Qershor 2022, 10:49, Politikë CNA
“Armët terrorizojnë shqiptarët”/ Akuzat e forta:
Qeveria "Rama 3"

Deputeti Enkelejd Alibeaj ka reaguar në lidhje me ngjarjen e rëndë që tronditi Shkodrën mëngjesin e sotëm, ku një person mbeti i vrarë dhe një tjetër i plagosur.

Në një postim në rrjetet sociale, Alibeaj hedh akuza të forta ndaj Qeverisë, për të cilën thotë se është e lidhur me krimin e organizuar dhe që vazhdojnë të jenë në aleancë së bashku.

Pushka krisi prapë e krimi vazhdon i patrazuar të terrorizojë shqiptarët gjithnjë e më të pambrojtur nga shteti e qeveria. E kjo histori që prej ardhjes në pushtet të Edi Ramës. Shqiptarëve u kujtohet se si kur shpërthenin minat nëpër makina dhe kur vriteshin qytetarë në rrugë nga bandat, Edi Rama lante duart si Ponz Pilati.

Sot dëshmitarët po flasin dhe po u tregojnë shqiptarëve, dhe më e rëndësishmja drejtësisë, lidhjen e ngushtë simbiotike të qeverisë me krimin e organizuar dhe që vazhdojnë të jenë në aleancë sëbashku.

Një marrëdhënie e ngushtë saqë është e vështirë të kuptosh ku nis shteti dhe ku nis banda! Një bashkëpunim perfekt që ka shkatërruar themelet e demokracisë dhe ka vrarë shtetin!

Jo rastësisht krimi i organizuar ka gjetur strehën e tij në këtë mazhorancë dhe në këtë qeveri për këto 8 vite e më shumë. Jo rastësisht dekriminalizimi prodhoi "heronjtë" e tij nga kjo mazhorancë.

Jo rastësisht dizenjimi non grata identifikoi se kush ishin grupet e strukturuara kriminale të përfshira në politikë dhe që blinin e grabisnin vota, që Edi Rama dhe banda e tij e Rilindjes të merrte e të mbante pushtetin e inkriminuar.” -shkruan Alibeaj.

Më tej, ai thekson se Shqipëria nuk ka përse të jetë peng i lidhjeve të Qeverisë me krimin, ndërsa shton se e vetmja rrugë për të shpëtuar është që drejtësia t'i shkojë deri në fund kësaj skeme.

Shqipëria nuk ka përse të kalbet nga krimi i organizuar që bashkëjeton me politikën. Shqiptarët nuk kanë përse të jenë pengjet e një kryeministri që ortakërinë dhe besnikërinë e ka me grupet kriminale dhe jo me qytetarët.

E vetmja rrugë për të shpëtuar është që drejtësia ti shkojë kësaj skeme deri në fund. Duke dënuar të pushtetshmit pa të cilët krimi nuk do të depërtonte kaq shumë në jetët tona.

Nuk ka rrugë tjetër që ky vend të kthehet në shinat e ligjshmërisë, sigurisë dhe demokracisë.

Sa më shumë qëndron Edi Rama me strukturën e tij kriminale në krye të pushtetit që e ka lënë peng tek bandat që i dhanë pushtetin, aq më shumë pushka do të krisë, aq më shumë do të ndëshkohen shqiptarët, aq më shumë do të vriten mes tyre shqiptarët, aq më shumë do të vuajnë shqiptarët, dhe do të ikin nga ky vend që nuk ofron as siguri e as demokraci.” -përfundon postimin e tij Enkelejd Alibeaj./CNA.al

 

Lajmet e fundit nga