web counter
LEXO PA REKLAMA!

SHKARKO APP

App Store
Google Play

E fundit!

x

Kandidati për Presidentin/ Mediat ndërkombëtare shkruajnë për Begën

3 Qershor 2022, 22:55, Politikë CNA
Kandidati për Presidentin/ Mediat ndërkombëtare shkruajnë
Shefi i Shtabit të Përgjithshëm i Forcave të Armatosura, Bajram Begaj.

Mediat ndërkombëtare kanë pasqyruar lajmin për propozimin e shefit të Shtabit të Përgjithshëm të Forcave të Armatosura, Bajram Begaj, si kandidatin e mazhorancës për Presidentin e ri të Republikës.

Ka qenë “Reuters”, media ndërkombëtare e cila ka publikuar një artikull për zgjedhjen e Kreut të Shtetit.

Me titullin “Shqipëria do të zgjedhë shefin e Mbrojtjes si President”, “Reuters” ka shkruar lidhur me kandidaturën e mazhorancës dhe për votimin në Kuvend.

Ndërkohë, lajmi për Begën është raportuar edhe nga mediat e shtetit fqinj, Greqisë.

Artikulli i "Reuters":

Kryeministri shqiptar Edi Rama tha të premten se partia e tij ka zgjedhur shefin e mbrojtjes së vendit për të qenë presidenti i ri, pasi nuk arriti të zgjidhte një kandidat me konsensus me opozitën. Gjeneralmajor Bajram Begaj u bë shef i mbrojtjes së Forcave të Armatosura Shqiptare në vitin 2020, pasi mbajti poste të ndryshme brenda ushtrisë, kryesisht në fushën e mjekësisë.

Rama tha se partia e tij diskutoi 26 emra, por më në fund vendosi se “Begaj është personi i duhur për të qenë president i Shqipërisë për pesë vitet e ardhshme”. Zgjedhja e presidentit të ri tashmë kishte dështuar gjatë tri raundeve në të cilat nevojiteshin tre të pestat e votave.

Në dy raundet e fundit nevojitet një shumicë e thjeshtë dhe partia e Ramës tashmë ka 74 vota. Parlamenti pritet të mblidhet të shtunën në mbrëmje për të votuar kreun e ri të vendit. Roli i Presidentit është kryesisht simbolik, megjithëse ka disa kompetenca mbi gjyqësorin dhe ushtrinë./ B.A. - CNA.al





Lajmet e fundit nga