web counter
LEXO PA REKLAMA!

SHKARKO APP

App Store
Google Play

Akuza për zhvatje pronash/ SPAK-u merr nën hetim kandidatin e Ramës për President

3 Qershor 2022, 23:15, Politikë CNA
Akuza për zhvatje pronash/ SPAK-u merr nën hetim kandidatin e
Shefi i Shtabit të Përgjithshëm i Forcave të Armatosura, Bajram Begaj

Shefi i Shtabit të Përgjithshëm i Forcave të Armatosura, Bajram Begaj, kandidati i mazhorancës për President Republike, është nën hetim paraprak nga Struktura e Posaçme kundër Korrupsionit dhe Krimit të Organizuar (SPAK).

Lajmin e bën të ditur gazetari Ferdinand Dervishi, i cili ka publikuar dokumentin, ku kreu i SPAK-ut, Arben Kraja, konfirmon se Begaj është nën hetim për “shpërdorim detyre”, lidhur me dhënien e pronave të ushtrisë në Shëngjin për klientët e qeverisë.

11 ditë më parë, Kraja ka bërë të ditur se për padinë 109/2021 janë regjistruar dy procedime penale.

“Para pak ditësh SPAK konfirmoi se B. Begaj, sot kandidat për President është nën hetim paraprak (dokumenti poshtë, padia 109/2021.). Akuzohet për shpërdorim detyre lidhur me pronat e Forcës Detare. Një vendim unifikues i Gjykatës së Lartë, personin nën hetim e barazon me të pandehurin”, shkruan Dervishi në rrjetet sociale.

Ndërkohë, kujtojmë se më 6 prill 2021, Artur Meçollari ka depozituar pranë SPAK-ut një padi për “shpërdorim detyre” në adresë të Gjeneral Major Bajram Begajt, me detyrë shef i Shtabit të Përgjithshëm të FA, Gjeneral Brigade Ilir Xhebexhisë, me detyrë komandant i Forcës Detare dhe kolonel Altin Kurtit, me detyrë komandant i Policisë Ushtarake.

Sipas padisë, drejtuesit më të lartë të Forcave të Armatosura janë përgjegjës për ndërtimin e paligjshëm, të kryer në brendësi të territorit të Bazës së Shëngjinit./ B.A. - CNA.al

Akuza për zhvatje pronash/ SPAK-u merr nën hetim kandidatin e

Akuza për zhvatje pronash/ SPAK-u merr nën hetim kandidatin e





Lajmet e fundit nga