web counter
LEXO PA REKLAMA!

SHKARKO APP

App Store
Google Play

E fundit!

x

“Babalja  kacafytet” me Alibeajn/ Plas mes kurtizanëve të Bashës

4 Qershor 2022, 11:48, Politikë CNA

“Babalja  kacafytet” me Alibeajn/ Plas mes kurtizanëve

Ervin Salianji, i njohur  si “Babalja”, ka sulmuar Enkelejd Alibeajn, por pa i përmendur emrin.

Sulmi ka lidhje me raundin e katërt për votimin e Presidentit të ri, ku Alibeaj ka paralajmëruar bojkot.

Sipas Salianjit, ai bojkoton parlamentin e zgjedhur nga populli, ndërkohë që u ul këmbëkryq me të zgjedhurit nga Rama!

“Bojkotet kanë pas sjellë pasoja shkatërruese për Partinë Demokratike!

Jemi në këtë situatë nga ata që ju përdrodhen politikës duke menduar që do të përfitonin me bojkote.

Vendimet pa zhvilluar më parë mbledhje grupi janë vendime individuale, çdo vendim i shpallur pa diskutime në grup, pa debat dhe pa vendimmarrje kolegjiale është nul! Çdo funksion nuk është pronë private, secili prej nesh përfaqëson qytetarët!

Nuk ka asnjë manovër që mbulon dot përgjegjësinë politike për dështimin, nuk na duhet të ulemi me Ramën përherë që përherë të themi sa i poshtër ishte!

Është naivitet vrastar dhe inat jopolitik të braktisësh institucionet nga mllefi që “nuk ju dha pazar”, por u përdorën! Si mund të propozohet bojkoti, mënyrë tipike lindore kur si parti luftojmë në emër të vlerave perëndimore!

E kam paralajmëruar që në fillim të procesit që kandidatin e kishte mbyllur Rama në zarf dhe do e nxirrte, në fund siç edhe ndodhi”, shkruan Salianji në rrjete sociale.

Më tej ai nxjerr në pah “trimëritë” dhe “meritat”  e tij, ndërsa shkruan se ka kërkuar me insistim që Partia Demokratike mos hynte në pazare ne tavolina jo institucionale por të ulej vetëm dhe vetëm nëse maxhoranca ilegjitime i jepte të drejtën e propozimit vetëm opozitës!

“Sot pasi e dështuan atë pazar negociatë a ka të drejtë publiku të mendojë se gjithçka u bë për interesa personale?

A ka qytetar që i jep dot shpjegim se si Partia Demokratike i jep kuorum dhe merr pjesë në seancat 5-minutëshe ku digjeshin raundet pa kandidatë dhe ku kuorumi duhej të ishte 84 deputetë!

Si shpjegohet që Ramës ju dha ajo që nuk e kishte dhe sot kërkohet bojkot dhe mospjesëmarrje në seancë për të dëmtuar në sytë e publikut opozitën!

Është e papranueshme që t'u kërkohet gjithë deputetëve të bojkotojnë parlamentin, ndërkohë që i vetmi bojkot duhej të ishte ulja në tavolinën joformale të Ramës dhe të zgjedhurve të tij”, përfundon reagimin Salianji./CNA.al





Lajmet e fundit nga