LEXO PA REKLAMA!

SHKARKO APP

E fundit!

x

Mes debateve dhe përplasjeve/ Komisioni i Ligjeve miraton kandidaturën e Begajt për President

4 Qershor 2022, 16:38, Politikë CNA
Mes debateve dhe përplasjeve/ Komisioni i Ligjeve miraton kandidaturën
Mbledhja në Komisionin e Ligjeve

Komisioni i Ligjeve ka miratuar emrin e Bajram Begajt si kandidat për President të Republikës, duke i hapur rrugë votimit të tij në seancën parlamentare.

Pavarësisht se pati kundërshti dhe përplasje mes Oerd Bylykbashit dhe Klotilda Bushkës, në Komisionin e Ligjeve dërgoi me shumicë votash emrin e Bajram Begajt në Kuvend.

Të vetmit që votuan kundër kandidaturës së Gjeneralit ishin Oerd Bylykbashi dhe Erisa Xhixho, ndërsa grupi parlamentar i Enkelejd Alibeajt bojkotoi mbledhjen.

Para se të fillonte votimi, Bylykbashi debatoi me Klotilda Bushkën dhe kërkoi që të shohë dekretin e Presidentit Ilir Meta, por kryetarja e Komisionit të Ligjeve i ndërpreu fjalën.

Bylykbashi deklaroi se mazhoranca ka shkelur Kushtetutën që në momentin e dorëzimit të kandidaturës. Nënkryetari i PD-së theksoi se kjo është dhe një ndër arsyet pse vota e tij është kundër dërgimit të emrit në Parlament./ B.A. - CNA.al

Lajmet e fundit nga