LEXO PA REKLAMA!

SHKARKO APP

Kandidat për President/ Vjen reagimi i parë i Bajram Begajt

4 Qershor 2022, 12:42, Politikë CNA
Kandidat për President/ Vjen reagimi i parë i Bajram Begajt
Bajram Begaj

Kandidati për President i Republikës, Bajram Begaj, ka reaguar para votimit nga parlamenti. Me një letër publike të dërguar për BE-në, Begaj shkruan se ky është nga ato raste që fjalët nuk e përshkruajnë dot.

Ai thekson se: “Puna ime si mjek dhe si ushtarak më ka mësuar shumë, por mbi të gjitha më ka mësuar vlerën e respektit për tjetrin dhe të dashurisë për atdheun”.

“Ishte sa e papritur aq edhe e madhe pesha e emocionit që ndjeva, kur mora lajmin se mazhoranca parlamentare kishte vendosur të më paraqiste si kandidat në seancën e sotme për zgjedhjen e Presidentit të Republikës.

Me mirënjohje të thellë dhe respektin më të lartë për bashkëpunëtorët, kolegët, anëtarët e familjes së madhe të Forcave të Armatosura të Republikës, kam nënshkruar kërkesën për lirimin nga detyra e lartë që kam pasur deri më sot nderin e përgjegjësisë së Shefit të Shtabit të Përgjithshëm.

Fjalët nuk kanë qenë kurrë arma ime e më e fortë, por edhe sikur të ishin jam i bindur se do ta kisha të vështirë t’i gjeja në këtë rast. Ky është një ndër ato raste që fjalët nuk e përshkruajnë dot. Vetëm përkushtimi me besnikëri absolute ndaj Republikës, qytetarëve dhe Kushtetutës së saj mund ta tregojnë sadopak madhësinë e këtij nderi.

Puna ime si mjek dhe si ushtarak më ka mësuar shumë, por mbi të gjitha më ka mësuar vlerën e respektit për tjetrin dhe të dashurisë për atdheun”, shprehet Begaj./E.K-CNA.al

Lajmet e fundit nga