web counter
LEXO PA REKLAMA!

SHKARKO APP

App Store
Google Play

Paketa e rezistencës sociale/ LSI, akuza qeverisë: Lëmoshë, paratë po shkojnë tek inceneratorët

6 Qershor 2022, 10:58, Politikë CNA
Paketa e rezistencës sociale/ LSI, akuza qeverisë: Lëmoshë,
Selia e LSI-së

Nënkryetarja e LSI-së, Erisa Xhixho, ka hedhur akuza mbi qeverinë, duke deklaruar se ka dhënë mbështetjen më të ulët në kulmin e krizës së çmimeve në vend.

Në një reagim në rrjetet sociale, Xhixho thekson se paketa e rezistencës me vlerë 5 miliardë lekë është thjesht një lëmoshë në krahasim me të ardhurat e mbledhura për shkak të rritjes së çmimeve.

Ndërsa thekson se paratë e shqiptarëve po shkojnë në xhepat e atyre që ndërtojnë rrugët me 20 milionë euro kilometri apo inceneratorë që as funksionojnë me kosto 430 milionë euro.

“Qeveria Rama ka dhënë mbështetjen më të ulët financiare për shtresat në nevojë në kulmin e krizës së çmimeve, në krahasim me vendet e tjera të rajonit.

Sipas Bankës Botërore,

Qeveria shqiptare me fond sa 0.3% e PBB-së, është e fundit në rajon për mbështetjen e qytetarëve të vet. E ashtuquajtura paketë e rezistencës, me vlerë rreth 5 miliardë lekë, është thjesht lëmoshë në krahasim me të ardhurat e mbledhura për shkak të rritjes së çmimeve. Këto të fundit janë 7 herë me të larta se paketa e rezistencës.

Mbështetjen më të madhe në rajon për qytetarët e vet e dha qeveria e Maqedonisë së Veriut, me 3.6% të PBB. Një pjesë e kësaj ndihme, 1.5 % e saj ishte në formën e përjashtimeve nga taksat.

Janë paratë e shqiptarëve që shkojnë në xhepat e atyre që marrin përsipër të ndërtojnë rrugët me 20 milionë euro kilometri apo inceneratorë që as funksionojnë me kosto 430 milionë euro.

Kjo është e vërteta dhe faktet e mbështetjes së qeverisë Rama për qytetarët, që edhe në ditët me të vështira, jo vetëm nuk përpiqet për t’ua lehtësuar barrën e rënduar të çmimeve, por gjeneron para nga kriza për t’i ndarë me klientët e vet”, shkruan Xhixho./ CNA.al





Lajmet e fundit nga