web counter
LEXO PA REKLAMA!

SHKARKO APP

App Store
Google Play

E fundit!

x

Vuçiç uron Bajram Begajn pas votimit në Kuvend/ Berisha: Presidentin e zgjodhi “Open Balkan”

5 Qershor 2022, 21:24, Politikë CNA
Vuçiç uron Bajram Begajn pas votimit në Kuvend/ Berisha:
Kreu i PD-së, Sali Berisha

Kreu i PD-së, Sali Berisha, ka kundërshtuar zgjedhjen e Bajram Begajt si President i Republikës, ndërsa ditën e djeshme bojkotoi edhe seancën plenare.

Pas votimit në Kuvend, urimet për Begajn ishin të shumta, jo vetëm nga politikanët shqiptarë, por edhe nga Vjosa Osmani dhe presidenti i Serbisë Aleksandër Vuçiç.

Për këtë të fundit, Berisha shkruan se presidentin e zgjodhi “Ballkani i Hapur”, ndërsa shton se në mesazh-urimin e tij Vuçiç nuk i referohet nismës së Berlinit si kuadri i Bashkimit Europian për bashkëpunimin rajonal të vendeve tona.

“Nje urim qe deshmon se presidentin e zgjodhi “Ballkani i Hapur”!

Miq, dje ne menyre te rrufeshme, pseudomazhoranca, ne nje rast unik ne historine e botes se lire dhe ne shkelje flagrante te kushtetutes, votoi shefin e shtabit te pergjithshem te Ushtrise shqiptare, gjeneral Bajram Begaj si president te republikes.

Por perveç kesaj, vetem pak ore me vone, padroni i Edi Rames, serbomadhi Aleksander Vuçiç do te uronte gjeneral Begajn dhe do ti kujtonte se aty e zgjodhi Ballkani i Hapur.

Ne mesazhin e tij, njeriu qe u betua javen qe kaloi se do mbronte sovranitetin e Kosoves si pjese e Serbise shkruan: “Besoj gjithashtu se së bashku do të kemi sukses në zhvillimin e të gjitha potencialeve të nismës “Open Balkans”, e cila do të përmirësojë shumë standardet në rajonin tonë”.

Keshtu presidenti i Serbomadhise ne mesazhin e tij i referohet jo nismes se Berlinit si kuadri i Bashkimit Europian per bashkepunimin rajonal te vendeve tona  por projektit te tij te serbomadhise, Ballkani i Hapur. Sb”, shkruan Berisha./E.K-CNA.al





Lajmet e fundit nga