E fundit!

07:14 Ekonomi

Shqiptarët do të paguajnë të paktën 100 milionë euro në vit shtesë për taksën e pronës

Me zbatimin e reformës së re për taksimin e pasurive të pa...

Një ditë pas votimit në Kuvend/ Begaj takon Alfred Moisiun, çfarë u diskutua mes tyre

5 Qershor 2022, 16:28, Politikë CNA

Një ditë pas votimit në Kuvend/ Begaj takon Alfred Moisiun,

Alfred Moisiu dhe Bajram Begaj

Bajram Begaj u zgjodh ditën e djeshme me 78 vota pro, 4 kundër dhe 1 abstenim presidenti i ri i Republikës.

Pas zgjedhjes, Begaj e shfrytëzoi ditën e parë duke takuar ish presidentin Alfred Moisiu.

Larg vëmendjes së medias, Begaj dhe Moisiu kanë diskutuar për pozicionin e kreut të shtetit dhe rolin e tij në një situatë vazhdimisht të tensionuar politike.

Ish-Presidenti Moisiu në një intervistë për ABC u shpreh se Begaj do të jetë një president i mirë dhe me integritet, dhe në mbrojtje të Kushtetutës në një kohë kur edhe përplasjet politike janë në kulmin më të nxehtë.

“Unë mendoj se z. Begaj do të jetë një President i mirë, për vetë faktin jo vetëm se bisedova me të dhe pashë mendimet e tij, integritetin e tij. Sepse ka shumë rëndësi integriteti i Presidentit të Republikës aq më tepër në kushtet e politikës shqiptare, pasi këtu “të rrëmbejnë” për t’i zgjidhur problemet si i do njëri apo tjetri. Madje disa herë edhe në shkelje të kushtetutës, edhe mbi ligjin. Por z. Begaj mu duk shumë pozitiv dhe krijova një bindje që ky zotëri do ta kryej këtë detyrë ashtu siç duhet në interes të popullit dhe të gjithë Shqipërisë. Unë jam optimist se vërtetë do të jetë një president i mirë. Do ta mbroj kushtetutën”, tha Moisiu.

Por cilat janë këshillat që ish-Presidenti Moisiu i ka dhënë Bajram Begajt?

“Tani unë këshillë nuk i dhashë por i fola për përvojën time. I dhurova edhe librin që kam bërë “Midis Nanos e Berishës” për përshkruar gjithë periudhën e Presidencës time. Me problemet politike e negative. Përplasjet që kam pasur dhe kështu me radhë”, tha Moisiu.

Ish-Presidenti Moisiu nuk e fsheh zhgënjimin për mungesën e opozitës në Kuvend gjatë votimit të kandidaturës së Begajt.

Duke vlerësuar integritetin e Presidentit të ri dhe përvojën e tij si ushtarak, Moisiu është optimist për rolin që ai do të ketë në çështjet e pazgjidhura me Greqinë./E.K-CNA.al