web counter
LEXO PA REKLAMA!

SHKARKO APP

App Store
Google Play

Tritan Shehu kritika në Parlament/ Nuk është respektuar rregullorja

6 Qershor 2022, 17:31, Politikë CNA
Tritan Shehu kritika në Parlament/ Nuk është respektuar
Deputeti i PD-së, Tritan Shehu

Seanca plenare e sotme ka nisur me kritika të forta dhe kërkesa nga ana e deputetit demokrat Tritan Shehu, i cili ka pretenduar se nuk është respektuar rregullorja.

Deputeti deklaroi se një grup deputetësh kanë depozituar një mocion debat për gjenocidin serb në Kosovë dhe askush nuk i ka dhënë një përgjigje.

Shehu i kërkuar nënkryetares së Kuvendit Ermonela Felaj që të mbledhë Konferencën e Kryetarëve për të caktuar datën se kur të shqyrtohet rezoluta për dënimin e gjenocidit serb.

“Ka një problem të rëndë procedural që lidhet me mosrespektim e rregullores. Prej shumë ditësh një grup deputetësh kemi depozituar një mocion debat për të njohur gjenocidin serb në Kosovë. Nuk ka asnjë përgjigje, nuk është bërë as Konferenca e kryetarëve, në bazë të rregullores thuhet se duhet të mblidhet brenda tre ditësh. Edhe nëse kryetarja nuk është prandaj jeni ju aty. Lidhet me elementë politikë kërkoj që sonte të mblidhni Konferencën e Kryetarëve dhe të vendosni se çdo bëhet me gjenocidin serb në KoSOVËë. Kanë paraqitur një kërkese të ngjashme edhe Alibeaj. Nuk ka asgjë të keqe sa më shumë të bashkohemi në këtë kërkesë, të merren masa aq më mirë është i kërkoj atyre që kanë kërkuar këtë rezolutë të ngrenë zërin, të protestojnë, të bërtasin, për një shkelje të rëndë të rregullores dhe u kërkoj kolegëve ta bëjnë dhe të mos rrimë si fija barit para presionit qeveritar", u shpreh ai.

Ndsërkohë, Felaj iu përgjigj duke thënë se Konferenca e Kryetarëve thirret nga Kryetarja e Kuvendit, Lindita Nikolla, e cila për momentin nuk ndodhet në Shqipëri.

“Konferencën e thërret kryetari. Jam autorizuar për të kryer këto rregulluar nga data 03.062022. Kryetarja ndodhet jashtë vendit në një vizitë zyrtare në Vatikan”, theksoi nënkryetarja e Kuvendit./ B.A. - CNA.al





Lajmet e fundit nga