web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimeve/ Tabaku ‘shuplakë’ qeverisë

6 Qershor 2022, 17:52, Politikë CNA
Rritja e çmimeve/ Tabaku ‘shuplakë’ qeverisë
Deputetja e Partisë Demokratike, Jorida Tabaku

Deputetja e Partisë Demokratike, Jorida Tabaku, ka hedhur një sërë akuzash mbi qeverinë, duke marrë shkas nga rritja e çmimit të karburantit dhe të produkteve të shportës.

Tabaku tha nga foltorja e Kuvendit qeveria nuk mendon për qytetarët, por kompenson kompanitë e miqve dhe familjarëve.

“Dua të diskutoj për një çështje të rëndësishme, Bordi i caktimit të çmimeve për karburanteve. Bord me asnjë fuqi të pacaktuar në ligje, qeveria përcakton çmimet e karburanteve. Ditët e fundit një pjesë të madhe e pikave kanë çmim më të ulët se ai që ka caktuar bordi. Ulen pronarët e kompanive e ndajnë e diskutojnë me qeveritarët sa do caktohet çmimi. E njëjta situatë po ndodh edhe me çmimet e shportës. Çmimet janë rritur mbi dy herë, janë rritur me 30% të shportës. Çfarë bën qeveria?

Ajo bën një akt normativ ku vendos të konpesojë kompanitë e rindërtimit me 80 mln euro. Qeveria rrit me 80 mln euro bizneset e familjarëve dhe miqve. Sot çmimet në treg i përjetojnë të gjithë qytetarët, bizneset. Qeveria vendos të rishpërndajë të ardhurat shtesë në buxhet. Kush mendon për qytetarët?

Kush diskuton se çfarë përfitimi duhet të kenë qytetarët. Këto i interesojnë qytetarëve. Duhet të ketë guxim për të folur për kompanitë e karburanteve. Duhet të kesh guxim. Besoj që sot qytetarët kanë nevojë, që kushdo të ngre zërin dhe të tregojë guxim sepse për këtë jemi votuar”, theksoi deputetja./ B.A. – CNA.al





Lajmet e fundit nga