web counter
LEXO PA REKLAMA!

SHKARKO APP

App Store
Google Play

E fundit!

x

Kokalari shënon “autogol”/ Si gënjeu publikisht për pakot me ndihma

6 Qershor 2022, 09:49, Denoncim CNA
Kokalari shënon “autogol”/ Si gënjeu publikisht për
Evi Kokalari

Aktivistja Evi Kokalari, e cila erdhi nga SHBA-ja në Shqipëri, me pretendimin se do të japë kontributet e saj në Rithemelimin e Partisë Demokratike, mbi parime konservatore, e të tjera si këto.

Megjithëse disa herë vetë ka deklaruar se do të ikë në SHBA, se misioni i saj në Shqipëri ka mbaruar, sërish Kokalari nuk ndalon sulmet ndaj të rinjve.

Por dardha e ka bishtin prapa, dhe “halli” i Kokalarit është diku tjetër.

Ndërsa zgjedhjet lokale po afrohen, një rival i mundshëm i kryebashkiakut të Tiranës, Erion Veliaj, në garën për drejtimin e bashkisë së kryeqytetit është Belind Këlliçi i cili po sulmohet vazhdimisht nga Evi për interesat e Veliajt.

Jo rastësisht, Kokalari ka nisur sulmet, për interes të kryebashkiakut Erion Veliaj.

Por, ndërkohë që CNA.al ka publikuar faktet, të cilat tregojnë lidhjet e saj me Erion Veliajn, të cilat mund t’i lexoni këtu, Kokalari ka tentuar të justifikohet me pretendimin se ai e paska ndihmuar të shpërndajë ndihma.

Sërish del në dritë një tjetër detaj, në lidhje me të ashtuquajturat ndihma që pretendon Kokalari.

Në një postim në rrjetet sociale, në datën 8 prill 2020, Evi Kokalari shkruante se ka shpërndarë ndihma për 48 familje dhe për këtë falënderonte Erion Veliajn.

“Këtu janë disa foto nga dërgesat e sotme.

Ne duam të falenderojmë komunitetin për dhurimet dhe që arritën ta bëjnë këtë të mundur.

Një falenderim i madh shkon për kryetarin e Bashkisë së Tiranës, Erion Veliaj, i cili na dha ne burimet e nevojshme për të bërë dërgesat në 48 familje.”-shkruante Kokalari, në 8 prill 2020.

Kokalari shënon “autogol”/ Si gënjeu publikisht për

Nga ana tjetër, pasi CNA.al publikoi faktet që tregonin lidhjet e saj me Veliajn, Kokalari në një postim tjetër në rrjetet sociale, vijon justifikimet. Por, këtë radhë nga 48 familje, qenkan bërë 200.

“Oh, CNA nxjerrë faktet e lidhjeve të mia me Erion Veliajn.

Mëkati im qënkërka se Veliaj me dha djemtë e Bashkise që të shpërndanin kuti ushqimesh qe Fondacioni Kokalari dhe Bardha po i dergonin familjeve në nevojë gjatë pandemisë, dhe rasti i dytë kur Veliaj më dha zjarrfikëset qe ti përshëndesnim mjeket dhe infermjerët e infektivit ashtu siç e bënin në New York.”-shkruan Kokalari.

Kokalari shënon “autogol”/ Si gënjeu publikisht për

Ndërsa duke iu përgjigjur një qytetari i cili thotë se Kokalari vërtetë paska bashkëpunuar me Rilindjen, ajo shkruan “Po po burre me namuz ti. Ndërkohë unë ndihmova 200 familje me ushqime. Ndjehem mëse mirë.”

Kokalari shënon “autogol”/ Si gënjeu publikisht për

Por, si u bënë nga 48 në 200 familje? Këtë duhet ta sqarojë Kokalari.

Sa familje ka ndihmuar? Se shifrat nuk dalin, janë 200 apo 48 pasi diferenca është mjaft e madhe.

Si bashkëpunoi me Veliajn? Pse është aq shumë e ekzaltuar kur flet me atë që është njeriu kryesor i Soros në Tiranë?

Këto janë pak shumë pak për bëmat e Kokalarit që fillojnë nga lidhjet me Veliajn, tek lobimet në Tiranë, tek përplasjet me biznesmenë apo shërbimet klienteliste për individë të caktuar.

CNA.al do vazhdojë të sjellë të tjera problkematika ditë pas dite për një personazh si Evi Kokalari, e cila pas kërcenimeve publike që të ndaleshim pasi do na cconte në gjykatë, duhet të njohë të vërtetën e saj. Në rast se nuk e di këtë do ja tregojmë ne publikisht. Kjo jo vetëm për të por për ti treguar ccdo individi anonim se nuk bëhet biznes me një forcë politike për interesa personale. E që Evi të jetë e qetë gjithccka do ja publikojmë edhe anglishjt që lehtësisht këto materiale të lexohen edhe nga “miqtë”, që I shkulin veshin.

/CNA.al





Lajmet e fundit nga