LEXO PA REKLAMA!

SHKARKO APP

App Store
Google Play

Për një gabim të punonjëses së AHBR-së Fier, fermeri humb rimbursimin për naftën. Askush nuk mban përgjegjësi!"

3 Qershor 2022, 21:13, Denoncim CNA
Për një gabim të punonjëses së AHBR-së Fier,
Ilir Shabani fermer

Në "Fiks Fare" u ankua Ilir Shabani fermer nga fshati Seman i Ri, Fier,  pasi nuk ishte rimbursuar  për naftën.

Ai kishte aplikuar pranë AZHBR-së me të gjithë dokumentacionin përkatës, por një gabim i punonjëses gjatë aplikimit në sistem ka bërë që ai ta humbë rimbursimin. Madje, gabimi nuk ka prekur vetëm Ilirin, por edhe dikë tjetër, pasi punonjësja dokumentat e Ilirit i ka hedhur në emrin e një fermeri tjetër. Të dy së bashku janë skualifikuar. Ai kërkon ndihmën e "Fiksit" që të marrë atë që i takon.

"Fiks Fare" bashkë me fermerin i drejtohen AZHBRS-së Fier dhe takojnë një punonjëse, e cila shpjegon se sistemi nuk e ka marrë aplikimin e Ilirit. Pyetjes së gazetarit se përse ka ndodhur kjo zonja i përgjigjet se duhet të jetë bërë një gabim në aplikim.” Unë i kam marrë numrin e NIPT-it kam bërë verifikime dhe e kam nisur lart për të pyetur se si është puna. Sepse në moment që unë u futa, nuk gjeta emrin. Nuk i ka dalë emri në sistem fare”, shprehet ajo.

Për të gjetur të vërtetën, pasi aplikimi që kanë bërë për Ilir Shabanin del me emrin e një zotërie tjetër nga fshati Arapaj. "Fiksi" pyet edhe ne Drejtorinë e Bujqësisë në Fier. Përgjegjësja e kësaj drejtorie znj. Shqiponja Musaraj u shpreh se e njihte shumë mirë rastin e Ilirit. Ajo shpjegoi që aplikuesi në rastin konkret nuk ka hedhur në sistem  të dhënat e Ilirit, po i ka hedhur në një NIPT tjeter. Sistemi të dy i ka penalizuar dhe në sitem nuk mund të ndërhyhet pasi nuk kanë akses. Vetë programi hapet në ditë fikse dhe po në një datë fikse edhe mbyllet. Pra, për përgjegjësen e Drejtorisë së Bujqësisë Fier nuk ka zgjidhje.

Të njëjtën përgjigje dha edhe përgjegjësi i skemës së Aplikimeve në AZHBR, zoti Spartak Harizi. Ai sqaroi se për këtë vit fermeri është djegur pasi procesi është mbyllur dhe sistemi gjithashtu.

Pra, nga një gabim i operatores në hedhjen e të dhënave dy fermer nuk mund të marrin sunvencionet për karburant./tch

Për një gabim të punonjëses së AHBR-së Fier,Për një gabim të punonjëses së AHBR-së Fier,Për një gabim të punonjëses së AHBR-së Fier,Për një gabim të punonjëses së AHBR-së Fier,Për një gabim të punonjëses së AHBR-së Fier,

Lajmet e fundit nga