web counter
LEXO PA REKLAMA!

SHKARKO APP

App Store
Google Play

Skandali në drejtësi/ Me armë e drogë, asnjë ditë burg

5 Qershor 2022, 12:14, Denoncim CNA

Skandali në drejtësi/ Me armë e drogë, asnjë ditë

Reforma në Drejtësi dhe institucionet e reja të dala prej saj, të trumbetuara fort nga politika, por edhe e mbështetur fort nga ndërkombëtarët, është parë si shpresë që drejtësia dhe ligji të jetë i barabartë për të gjithë qytetarët.

Por, me sa duket drejtësia shqiptare i ka ca “të nënës e ca të njerkës”.

Ka qytetarë që kapen me një cigare hashash apo se rregullojnë çatinë, ngelen burgjeve, por ama ka edhe të tjerë që kapen me armë me fishek në gojë e drogë, dhe nuk bëjnë asnjë ditë burg.

I tillë është edhe rasti i gazetarit Elio Laze, i raportuar nga CNA.al.

Elio Laze, i ashutuquajtur gazetar, është arrestuar, gjykuar e dënuar për mbajtje armësh dhe posedim të lëndëve narkotike, por nuk ka bërë asnjë ditë burg.

Gazetari Elio Laze është arrestuar me 28 maj 2021, për amëmbajtje,, por edhe për drogë.

Gjatë kontrollit nga Policia atij i është gjetur një pistoletë e markës, “Ecol”, të cilën gazetari e mbante në çantën e dorës.

Pistoleta kishte një karikator me një fishek luftarak. Para oficerit të Policisë gjyqësore, Laze ka deklaruar se e kishte blerë po atë natë pistoletën.

Në dëshminë e siguruar nga CNA.al, Laze ka thënë se e ka blerë pistoletën kundrejt një shumë 200 euro, nga dy djem të rinj, të cilët po konsumonin lëndë narkotike, hashash.

Mbi gazetarin duhet të rëndonin dy akuza, “Mbajtje pa leje dhe prodhimi i armëve shpërthyese dhe municionit”, të parashikuar nga neni 278/1 i Kodit Penal dhe “Prodhimi dhe shitja e narkotikëve”, të parashikuar nga neni 283 i Kodit Penal.

Në rastin e parë dënimi është nga 5-7 vite burg, ndërsa për rastin e dytë ai duhet të dënohej deri në 5 vite burg.

Por CNA.al ka mësuar se Laze nuk ka bërë asnjë ditë burg, duke u lënë me arrest shtëpie, me pretendimin për shkaqe shëndetësore./CNA.al





Lajmet e fundit nga