web counter
LEXO PA REKLAMA!

SHKARKO APP

App Store
Google Play

U shmang tragjedia në Zvërnec/ Flet turisti: Nuk na sinjalizuan për pjesën nënujore

7 Qershor 2022, 10:18, Aktualitet CNA

U shmang tragjedia në Zvërnec/ Flet turisti: Nuk na sinjalizuan

Një jaht me 4 turistë, mes tyre edhe një fëmijë, është përplasur me disa shkëmbinj mëngjesin e sotëm në afërsi të Zvërnecit.

Fatmirësisht tragjedia është shmangur në kohë dhe turistët janë shpëtuar.

Njëri prej turistëve në një deklaratë për mediat ka treguar itinerarin që kishin përshkuar dhe se çfarë kishte ndodhur në brigjet shqiptare.

“Jemi nisur këtë mëngjes dhe ishim në kthim nga Sllovenia. Kemi bërë gjithë Kroacinë dhe kemi kaluar në 600 ishuj Kroaci dhe më pas Mali i Zi. Kemi bërë dje udhëtim direkt për në Vlorë, ku në hyrje si gjithë pronarët e varkave përdor një program që të kem lartësinë e skafit me bazën e ujit dhe të jep sinjale për gjithçka që ndodhet nën det. Për fat të keq varka nuk ka sinjalizuar dhe u përplasëm me një shkëmb. Fëmija ynë 4 vjeç ishte në panik. Vetëm për mosinjalizim gjendemi në këtë situatë”, është shprehur ai.

Ai ka hedhur akuza ndaj autoriteteve shqiptare që nuk kanë sinjalizuar për shkëmbinjtë nënujorë.

“Tani jemi në kërkim të zgjidhjes se si mund të lëvizim varkën që andej. Është një problem me lajmërimet që shteti shqiptar duhet të bëjë pjesën nënujore. Siç bëjmë ne një gabim dhe penalizohemi edhe shteti shqiptar duhet të penalizohet. Policia e Kufirit dhe Guarda di Finannza mbërritën menjëherë. Falënderojmë popullin shqiptar që na ndihmuan dhe nuk na morën lekë e na dhanë ushqim”, është shprehur më tej ai./CNA.al





Lajmet e fundit nga