web counter
LEXO PA REKLAMA!

SHKARKO APP

App Store
Google Play

E fundit!

x

Abazoviç, thirrje Albin Kurtit/ Ndrysho mentalitet për “Ballkanin e Hapur”

8 Qershor 2022, 11:07, Aktualitet CNA
Abazoviç, thirrje Albin Kurtit/ Ndrysho mentalitet për
Dritan Abazoviç dhe Albin Kurti

Kryeministri i Malit të Zi, Dritan Abazoviç, në fjalën e tij në Samitin e “Ballkanit të hapur”, i ka bërë thirrje kryeministrit të Kosovës, Albin Kurti që të bashkohet me këtë nismë.

Abazoviç e sheh “Ballkanin e Hapur”, si një nismë progresiste duke harruar konfliktet e së kaluarës.

 “Këtë e shikoj të kemi një të ardhme të mirë të bazuar në ekonomi, biznes, bashkëpunim në të gjitha fushat, kjo për mua është ideja e 'Ballkanit të Hapur'. Pavarësisht emrit, çdo nismë që mund të shpjerë drejt progresit do të ketë mbështetjen e Malit të Zi.

Ideja është të kemi dialog, pasi kjo shpie drejt asaj që të mos kemi frikë nga njëri-tjetri. Politikat e fundit na kanë mbajtur këtu ku jemi tani, detyra jonë është të bëjmë diçka për ta ndryshuar këtë.

Herën tjetër të jemi gjashtë persona, dhe të flasim për nevojat e qytetarëve dhe jam i bindur që mesazhi drejt BE-së do të jetë shumë më ndryshe.

Ata që tani e kontestojnë këtë nismë, të kuptojnë që janë gabim, dhe se kjo pjesë e botës i përket familjes së madhe europiane. Që të jemi anëtarë të kësaj familjeje duhet të ndryshojmë dhe mentalitetin tonë.

Duhet të bëjmë ribrandim të Ballkanit Perëndimor, t’i zgjasim dorën njëri-tjetrit, kjo është mënyra e vetme për ta arritur këtë.

Pres që kryeministri i Kosovës të vijë dhe të flasim për nisma të përbashkëta”, është shprehur ai./CNA.al

 





Lajmet e fundit nga