web counter
LEXO PA REKLAMA!

SHKARKO APP

App Store
Google Play

“Ballkani i Hapur”/ Lubonja: Kush është pas Europa, SHBA-ja apo Sorosi që ishte i pranishëm?!

8 Qershor 2022, 17:45, Aktualitet CNA
“Ballkani i Hapur”/ Lubonja: Kush është pas Europa,
Analisti Fatos Lubonja

Samiti “Ballkan i Hapur”/"Open Balkan”, i cili u zhvillua në Ohër, ka shkaktuar shumë polemika. Analisti Fatos Lubonja, është shprehur se ky Samiti nuk ishte aspak transparent. 
 
Gjithashtu ai u shpreh se për politikat e brendshme nga kryeministri Edi Rama është përdorur më shumë gjuha nacionaliste, ndërsa për politikat e jashtme është përdorur ajo europianiste.
“Besoj se të gjithë pranojnë se ka një lloj mostransparence në këtë çështje. Nuk dihet mirë qëllimi, në kuptimin se një qëllim të deklaruar ka, por sa është i vërtetë? Nuk dihet mirë interesi kur flas interesi kam parasysh, kush ka më shumë interes dhe nuk përcaktohet qartë nëse kanë të gjitha vendet. Shtrohet edhe pyetja kush është pas, Europa apo SHBA. Sorosi që ishte atje, ka një dorë këtu. Të gjitha këto do të duhet të ishin më të qarta…”, tha Lubonja.

Gjithashtu Lubonja është shprehur se: “Për politikat e brendshme kemi pasur më shumë gjuhën nacionaliste dhe për politikat e jashtme atë europianiste. Tani ky dallim, nga se vjen? Cili është interesi i Ramës? Këtë nuk e ka shpjeguar. Gjykoj se ndër argumentet që qëndrojnë se kanë punuar me këto dy gjuhë, pra ka një plan europianist dhe një plan B nacionalist. Pra, besoj ka dominuar kjo ecja midis dy shinave, ku plani nacionalist , maskohet me planin Europian. Akuzat që i bëhen Serbisë së kërkon të mosnjohë Kosovën, pra ka argumente që duhen marrë në konsideratë dhe që nuk kanë marrë përgjigje nga Rama. Pra ky projekt po na shitet sikur meqenëse po na zvarrit Europan ne nxitojmë ta bëjmë Europën në vendin tonë…Por këtu lindi dyshime, mos duhet diçka tjetër më parë se të bëhej hapja e kufijve për ekonominë. A jemi ne kompetitiv me Serbinë, sot gjithë Europa po ankohet se ka qenë shumë e varur nga Rusia…Por nëse ne krijojmë këtë lidhje ekonomike, këtë varësi me Serbinë për shkak të dobësisë tonë që Rama i sjell sikur po zgjidhin probleme, atëherë nesër në një situatë ku ndoshta dështon, do të kesh varësi të plotë dhe nuk do të kesh fuqi të reagosh, do të dorëzohesh. Vuçiçi e deklaron se Kosova nuk do të jetë e pavarur”./CNA.al





Lajmet e fundit nga