web counter
LEXO PA REKLAMA!

SHKARKO APP

App Store
Google Play

Teza e provimit të Gjuhë-Letërsisë/ Ardi Stefa ngre zërin: Duhet të hartohej me dy autorë

8 Qershor 2022, 17:58, Aktualitet CNA
Teza e provimit të Gjuhë-Letërsisë/ Ardi Stefa ngre
Profesori dhe specialisti i arsimit, Ardi Stefa

Profesori dhe specialisti i arsimit, Ardi Stefa, ka ngritur zërin për mënyrën e hartimit të tezës së provimit të Gjuhë-Letërsisë, gjatë një interviste për CNA.al.

Stefa tha se teza është hartuar në një mënyrë krejtësisht të gabuar, pasi e cilësoi penalizues faktin që u mor përsipër nga një autor i vetëm.

Profesori i Gjuhë-Letërsisë deklaroi për CNA.al se teza duhet hartuar nga të paktën dy autorë, në mënyrë që të plotësojnë mangësitë e njëri-tjetrit.

“Një gjë që është e rëndësishme dhe këtë do dëshiroja ta nënvizonit është se teza e provimit të Gjuhë-Letërsisë është hartuar në një mënyrë krejtësisht të gabuar dhe flas si specialist i lëndës, i fushës. Domethënë, të testosh të gjithë lëndën e Gjuhës dhe Letërsisë me një autor është e gabuar, është penalizuese për nxënësit dhe të përqendrohesh në një test me 17 pyetje vetëm për pjesën e gjuhës dhe 16 pyetje te letërsia edhe kjo është e gabuar.

Duhet parë shpërndarja e pikëve, duhet parë shpërndarja e ngarkesës, duhet parë edhe mënyra sesi duhet të përzgjidhet autori. Më mirë do të ishte me dy autorë, me më pak pyetje për secilin, në mënyrë që atë çka mund të lërë mangut një autor, mund ta kompensojë autori tjetër”, nënvizoi specialisti i arsimit./ Brunilda Allkja – CNA.al





Lajmet e fundit nga