web counter
LEXO PA REKLAMA!

SHKARKO APP

App Store
Google Play

E fundit!

x

“Ballkani i Hapur”/ Bushati: Projekt i rrezikshëm, Kurti bëri mirë që refuzoi

8 Qershor 2022, 21:31, Aktualitet CNA
“Ballkani i Hapur”/ Bushati: Projekt i rrezikshëm, Kurti
Analisti Andi Bushati

Albin Kurti ka mbajtur një qëndrim të drejtë duke mos iu bashkuar projektit “Ballkan i Hapur”,  ky është një projekt i Ramës dhe Vuçiçit, kështu është shprehur analisti Andi Bushati i ftuar në emisionin ‘Open’.

“Nuk ka refuzuar vetëm Kosova, janë tri shtete që kanë refuzuar. Kam parë që japin foto me pesë. 'Ballkani i hapur' është ajo që u nënshkrua, jo ajo që u bë muhabet.' Ballkani i hapur' është Serbi, Maqedoni, Shqipëri.

A duhet të merrte pjesë Albin Kurti? Besoj se jo. Kjo sepse Kosovës nuk i leverdis të hyjë në një treg të përbashkët me kushte diskriminuese. Kurti thotë që është për treg të përbashkët, por i mbikëqyrur nga BE-ja. Përse është i rrezikshëm sepse nuk ka ombrellë. Është e vështirë për cilindo lider të Kosovës, të hyjë në një projekt rajonal kur e di që shoku vëllain e tij kryesor e ka partner me armikun e vet.

Ky është një projekt Rama-Vuçiç, për të cilin Edi Rama që ka detyrim Kushtetues të mbrojë të gjithë interesat e shqiptarëve duhet  të ishte krah Kosovës, por ai e ka  akuzuar Kosovën se nuk ecën dialogu Prishtinë-Beograd. 

Nuk pranon të votojë për gjenocidin serb. Prezenca e Albin Kurtit në atë tavolinë do e çonte përçarjen Tiranë-Prishtinë në një tavolinë Ballkanike. Kemi dy qeveri me qëndrime kundër për këtë çështje. Pra, mendoj që Rama bën keq që e vazhdon projektin dhe Albin Kurti bën mirë që refuzon të jetë pjesë”, tha  Bushati./ CNA.al





Lajmet e fundit nga