web counter
LEXO PA REKLAMA!

SHKARKO APP

App Store
Google Play

E fundit!

x

Olsian Çela “përzë” gazetarët/ Thirren dhe më pas nuk lejohen të futen në Prokurori

10 Qershor 2022, 11:41, Aktualitet CNA
Olsian Çela “përzë” gazetarët/ Thirren dhe
Prokurori i Përgjithshëm Olsian Çela

Prokuroria e Përgjithshme është kthyer në një institucion hermetik.

Konfirmimi vjen nga vetë institucioni.

Mëngjesin e sotëm, zëdhënësja e Prokurorit të Përgjithshëm njofton gazetarët për një aktivitet ku do të merrte pjesë Ministri i Drejtësisë, Ulsi Manja.

Pas dy orësh rezultoi se në Prokurori nuk kishte ambient të mjaftueshëm për gazetarët dhe zëdhënësja dërgon njoftimin e dytë, që përjashton gazetarët nga aktiviteti.

Sipas saj lejohen vetëm kamerat, ndërkohë që grupi i punës orientohet nga gazetari dhe kameramani nuk vendos se çfarë do të filmojë e çfarë jo.

“Në orën 12:00 në Prokurorinë e Përgjithshme, Ministri i Drejtësisë Ulsi Manja do të prezantojë rekomandimet e Këshillit të Ministrave për PP për kriminalitetin. Jeni të ftuar të ndiqni këtë aktivitet", thuhet në njoftimin e parë nga PP.

Por, pas rreth dy orësh u zvogëlua ambienti i Prokurorisë dhe gazetarët duhet të qëndrojnë jashtë.

"Të nderuar kolegë, më duhet t’ju saktësoj se për shkak të hapësirës së kufizuar në sallë do të lejohen vetëm kamerat. Ju falenderoj për mirëkuptimin”, është njoftimi i dytë i dërguar nga zëdhënësja e Prokurorit të Përgjithshëm, Olsian Çela.

Olsian Çela “përzë” gazetarët/ Thirren dhe





09:31 Aktualitet Mitro Çela

Mesazhe me Koço Devolen

-Pesë vitet e fundit me Koçon rrinim pothuaj gjithë ditën ...

Lajmet e fundit nga