E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Shërbimet sekrete fusin në rreth kandidatin për Gjykatë të Lartë/ Gjyqtari, lidhje me krimin e organizuar

10 Qershor 2022, 10:47, Aktualitet CNA

Shërbimet sekrete fusin në rreth kandidatin për Gjykatë

Gjyqtari Enton Dhimitri

Këshilli i Lartë Gjyqësor i ka propozuar Presidentit Ilir Meta edhe 2 emra të tjerë për t'u emëruar si gjyqtar në Gjykatën e Lartë.

Një ndër gjyqtarët e propozuar është Enton Dhimitri, gjyqtari i Apelit të Gjirokastrës.

Dhimitri e kaloi Vettingun, me një raport të zi nga Drejtoria e Sigurimit të Informacionit të Klasifikuar, që është siguruar më herët nga CNA.al dhe të cilin po e risjellim më poshtë.

Raporti i shërbimeve sekrete

Në raportin që mban numrin 11776, të përpiluar nga DSIK dhe të dërguar pranë KPK-së, hidhen dyshime se Dhimitri ka pasur lidhje me persona të inkriminuar. Bëhet fjalë për kunatin e tij dhe jo vetëm.

“Nga informacioni i ardhur nga institucionet e verifikimit rezulton se për vetë shtetasin L.G, disponohen të dhëna dhe ngrihen dyshime se është i përfshirë në veprimtari të krimit të organizuar, në bashkëpunim me persona të tjera.

Ky shtetas është arrestuar në datën 25.06.2016, i dyshuar për konsumimin e veprës penale 'të shkeljes së ligjit mbi narkotikët', në shtetin fqinj Greqi.

Vepër penale kjo që përfshihet në grupin e veprave penale që cilësohen nga neni 75/a i Kodit të Procedurës Penale 'vepra penale të krimit të organizuar, trafikimit dhe korrupsionit' kompetencë e Gjykatës së Krimeve të Rënda, ose të çdo gjykate tjetër që mund të zëvendësojë atë në ushtrimin e këtyre kompetencave”, thuhet në raportin e DSIK-ut.

Shërbimet sekrete fusin në rreth kandidatin për Gjykatë

Sipas të njëjtit raport, po për shtetasin L.G., disponohen të dhëna se në ngarkim të tij janë referuar materialet procedurale pranë Prokurorisë së Rrethit Gjyqësor Gjirokastër, i dyshuar për veprat penale “dhuna në familje” dhe “shkatërrimi i pronës” parashikuar nga nenet 130/a e 150 i Kodit Penal.

“Subjekti i rivlerësimit, Enton Dhimitri, është kunati i shtetasit L.G. dhe sipas përkufizimit të termit 'anëtar familje 2', do të kuptojmë bashkëshorti/ bashkëshorja, i afërt deri në shkallë të katërt ose krushqi deri në shkallë të dytë, personi i lidhur me detyrime birësimi ose që bashkëjeton në mënyrë të përhershme me njërën nga palët, janë lidhje e afërt familjare”.

"Ndërsa shtetasi L.G., nga verifikimet për të cilin janë iniciuar mbi bazën e kërkesës së KPK-së, në cilësinë e personit të lidhur të subjektit të rivlerësimit, Enton Dhimitri rezulton si person i përfshirë në veprimtari të krimit të organizuar në format sipas përcaktimeve dhe kërkesave të parashikuara në pikën 15 të nenit 3 të ligjit nr. 84/2016″, sqarohet në raportin e DSIK-ut.

Më tej DSIK-u thotë se gjyqtari Enton Dhimitri mund të vihet lehtësisht nën presion nga strukturat kriminale, për shkak të kontakteve të papërshtatshme me një person të përfshirë në krimin e organizuar dhe për shkak të lidhjes së tij të ngushtë me të.

“Në këndvështrimin e përgjithshëm të kontrollit të pastërtisë së figurës së një subjekti rivlerësimi, në rastin tonë në cilësinë e gjyqtarit dhe lidhjeve të evidentuara si 'persona të lidhur' sipas përcaktimeve të nenit 3, pika 13, të përfshirë në veprimtari të paligjshme, e bën subjektin e rivlerësimit Enton Dhimitri një individ që mund të vihet lehtësisht nën presion nga strukturat kriminale, vlerësim i mbështetur në pikën 'c', të nenit 37, të ligjit 84/2016.

Shërbimet sekrete fusin në rreth kandidatin për Gjykatë

Gjithashtu nga të dhënat që disponohen rezulton se subjekti i rivlerësimit Enton Dhimitri sipas përcaktimeve të germave 'ç' e 'dh' të pikës 4, germës 'a' të pikës 6 të nenit 38 ka kontakte të papërshtatshme me persona të përfshirë në krimin e organizuar, për shkak të lidhjes së tij të ngushtë me të, (shtetasin L.G.) , sipas përcaktimit të termit 'anëtar i familjes', veprimtaria e kundërligjshme e të cilit është njohur dhe dokumentuar në regjistrat përkatës.

Mosdeklarimi nga ana e subjektit të rivlerësimit për përfshirjen në veprimtari të krimit të organizuar të 'personit të lidhur me të, pra për shtetasin L.G., si dhe për kontaktin jorastësor që ka pasur me një person të përfshirë në veprimtari të krimit të organizuar, e ngarkon subjektin e rivlerësimit, Enton Dhimitri, me përgjegjësinë e fshehjes së fakteve e plotësimit të pasaktë me në vërtetësi të Deklaratës për Kontrollin e Figurës”, thuhet më tej në raportin e DSIK -ut./CNA.al