E fundit!

07:18 Aktualitet

Këshilli i BE-së miraton sot heqjen e tarifave roaming me vendet e Ballkanit Perëndimor

Këshilli i Bashkimit Europian pritet të miratojë ditën e e...

Nën hetim në Shqipëri dhe Itali/ Ky është mjeku i arrestuar në 2013-tën për korrupsion, vijonte punën në QSUT

10 Qershor 2022, 17:01, Aktualitet CNA

Nën hetim në Shqipëri dhe Itali/ Ky është mjeku i

QSUT

Tre mjekë të QSUT-së janë nën hetim nga drejtësia italiane dhe ajo shqiptarë për shkak se kanë qenë pjesë e një rrjeti kriminal.

Mësohet se janë vënë në pranga 9 persona, 6 prej tyre në Itali dhe 3 në Shqipëri.

Sipas organit të akuzës, Grupi i Organizuar Kriminal dyshohet se vepronte mes provincës së Milanos, në Itali, dhe Shqipërisë dhe në bashkëpunim me mjekët dhe infermierët që punojnë në spitalet, u ofronin qytetarëve shqiptarë një sërë shërbimesh mjekësore të shtrenjta dhe të panevojshme që do të lejojnë hyrjen e jashtëligjshme në Itali.

Mjekët e QSUT-së ishin Aurel Vula, Vladimir Peto dhe Ilir Broqaj.

Ky i fundit nuk është një emër i panjohur për drejtësinë shqiptare.

Në vitin 2013, Ilir Broqaj, është arrestuar për korrupsion.

Pas një hetimi një mujor, në kuadër të operacionit policor “Skaner 2013”, nga hetimet e kryera në kuadër të këtij procedimi penal, sipas policisë, ka rezultuar se shtetasi Arben Doda, ish punonjës i sigurimit të Q.S.U.T-së u kërkonte dhe u merrte në emër të doktor, Ilir Broqaj qytetarëve të ndryshëm shuma nga 15.000 lekë të reja deri me 17.000 lekë të reja në funksion të kryerjes së skanerit të përgjithshëm në Qëndrën Spitalore Universitare “Nënë Tereza” Tiranë.

Në atë kohë, Prokuroria e Tiranës kërkoi dënimin me burg për mjekun Broqaj, por më pas, ishte Gjykata e Tiranës, ajo e cila e cilësoi të paligjshëm arretimin e mjekut, duke i hequr dënimin me burg dhe duke e lënë me “detyrim paraqitje”.

Ndërsa për shtetasin tjetër që luante rolin e sekserit, Gjykata në atë kohë i la masën e sigurisë “arrest me burg”./E.K-CNA.al