LEXO PA REKLAMA!

SHKARKO APP

App Store
Google Play

Miliona për "mercenarët" e inceneratorëve/ Kur do të hetojë SPAK-u financimet në media?

9 Qershor 2022, 11:21, Denoncim CNA
Miliona për "mercenarët" e inceneratorëve/ Kur do
Foto ilustruese

Inceneratorët, koncesioni më i akuzuar në këto 30 vite demokraci, e quajtur edhe si afera e shekullit, ka shtrirë “kthetrat” edhe në media, duke blerë kohë televizive apo duke paguar fatura si reklamë, kur ka pasur muaj të tërë pa asnjë spot.

Pra, mediat në vend që të ishin zëri i qytetarëve, janë bërë “palë” me një prej koncesioneve më të akuzuara, duke marrë para prej këtyre kompanive, me justifikimin e reklamave.

CNA.al ka raportuar në lidhje me kompanitë, ku pronarët e inceneratorëve janë në ortakëri me aksioneren e "Top Channel", Vjollca Hoxha.

Por, kush mendon se janë ndalur vetëm në "Top Channel" dhe avokatia e këtij televizioni, e ka shumë gabim.

CNA.al ka siguruar dokumente ekskluzive, të cilat tregojnë se media, televizione, gazetarë, e deri edhe portale periferike janë paguar nga pronarët e inceneratorëve.

Para këto të justifikuara si “reklamë” për një kompani private. Fatura që paguhen rregullisht prej vitesh.

Le të rendisim faktet:

CNA.al ka publikuar dokumente ekskluzive, që tregojnë se si miliona lekë kanë përfunduar te mediat kryesore në vend, përfshirë dhe "Top Channel", aksionerja e të cilit është në ortakëri me pronarët e inceneratorëve.

Ndërkohë, miliona lekë kanë shkuar edhe për kompanitë e gazetarit Endrit Habilajt, të cilat kanë përfituar rreth 50 mijë euro. 

Kompania “Focus Group” e Irfan Hysenbelliut që përfshin televizionin "News 24", "Balkanweb", etj, ka marrë gjithashtu miliona lekë nga inceneratorët, ndërsa në listëpagesë ka qenë edhe kompania e televizionit "Fax News".

Vetëm në gjysmën e parë të 2021-shit, “Focus Media News”, ka marrë gati 100 milionë lekë nga kompania e Klodian Zotos, të inceneratorëve.

Miliona për "mercenarët" e inceneratorëve/ Kur do

Edhe "Fax Media News" është paguar sistematikisht nga kompanitë e inceneratorëve.

Miliona për "mercenarët" e inceneratorëve/ Kur do

Sipas të dhënave të siguruara nga CNA.al, në të paktën 7 fatura të vitit 2021, vlera shkon mbi 90 milionë lekë, para të ekzekutuara për "Fax Media News".

Ndërkohë, miliona kanë marrë edhe portale periferike apo edhe “doktori” i Spitalit Amerikan, Baton Haxhiu. 

Miliona për "mercenarët" e inceneratorëve/ Kur do

Një ndër mediat e paguara nga kompanitë e inceneratorëve është edhe ajo e Carlo Bollinos.

Carlo Bollino dhe mediat e tij paguhen prej vitesh nga pronarët e inceneratorëve me shuma që në total kalojnë qindra miliona lekë.

Miliona për "mercenarët" e inceneratorëve/ Kur do

Sipas dokumenteve ekskluzive të siguruara nga CNA.al, MTSC e Carlo Bollinos është paguar rreth 40 mijë euro në 7 fatura të ekzekutuara, ku vetëm në muajin prill janë paguar 18 milionë lekë ose gati 17 mijë euro.

Por, ndërkohë që tashmë inceneratorët janë çështje e drejtësisë, janë hapur dy dosje, ajo e Elbasanit dhe Fierit, janë vënë në pranga një ish-ministër dhe një ish-deputet.

Por, SPAK-u nuk mund të mbyllë sytë para mediave, që kanë marrë “thelën” e tyre. Media që “vranë” misionin që duhet të kenë, në shërbim të interesit të qytetarëve, duke u paguar nga një prej koncesioneve më të akuzuara.

SPAK-u duhet të hetojë ku kanë shkuar paratë e taksapaguesve shqiptarë dhe duhet t'u rikthehen qytetarëve.

Pasi ata paguajnë taksa, i morën inceneratoret që paguajnë mediat.

Paratë janë të taksapaguesve shqiptarë dhe çdo qindrakë duhet të hetohet dhe të kthehet në buxhet./CNA.al

 

Lajmet e fundit nga