Mediat si lavatriçe të parave të inceneratorëve/ Milionat që duhen hetuar

29 Mars 2022, 13:20, Denoncim CNA
Mediat si lavatriçe të parave të inceneratorëve/ Milionat

Koncesioni i inceneratorëve, afera më e akuzuar në këto 30 vite demokraci, e cila nis me tre kontrata koncesionare, që shkojnë 178 milionë euro, tashmë është në duart e drejtësisë.

Një aferë e nisur në vitin 2014, një vit pas ardhjes së Rilindjes në pushtet. Ku për dy vite janë nënshkruar tre kontrata koncesionare. 22 milionë euro në Elbasan, 28 milionë euro në Fier, dhe 128 milionë euro në Tiranë.

Por, në vlera reale, taksapaguesve shqiptarë do t?iu kushtojnë rreth 430 milionë euro.

Tashmë kjo aferë është në hetim nga drejtësia.

Disa muaj më parë, u vu në pranga ish-ministri i Mjedisit në Qeverinë ?Rama 1?, Lefter Koka. Arrestimi i tij u bë pas një hetimi të SPAK në lidhje me inceneratorin e Elbasanit. Ndërsa në kërkim u shpallën Stela Gugallja pronarja e inceneratorit të Elbasanit, si dhe Klodian Zoto, pronari i kompanisë ITS, e cila qëndron në majën e piramidës së kompanive koncesionare të inceneratorëve.

Ndërkohë, mbrëmjen e djeshme SPAK lëshoi 9 urdhër-arreste, të cilat janë ekzekutuar në orët e para të mëngjesit të sotëm. Po ashtu SPAK i është drejtuar Kuvendit me një kërkesë, ku kërkon arrestimin edhe të deputetit të PS, Alqi Bllako, ish-Sekretari i Përgjithëm i Ministrisë së Mjedisit.

Fokusi i SPAK ka qenë inceneratori i Fierit.

Por, lidhjet e kompanive të inceneratorëve nuk fillojnë dhe nuk përfundojnë këtu.

Duket se ?thelën? e tyre e kanë marrë edhe mediat kryesore në vend, të cilat janë paguar nga kompanitë që kanë marrë koncesionin e inceneratorëve.

Telvizione, gazetarë apo dhe portale periferike janë paguar me shuma të majme nga kompanitë e inceneratorëve. Para këto të justifikuara si ?reklama?.

Por, çfarë reklamon një landfill dhe pse duhet të reklamojë në media një kompani monopol?

CNA.al ka publikuar dokumente ekskluzive, që tregojnë sesi miliona lekë kanë përfunduar tek mediat kryesore ne vend, ku në krye të listës është edhe media që drejtohej nga ish-deputeti socialist, Ben Blushi, bashkëshortja e të cilit rezulton ortake me Klodian Zoton dhe Mirel Mërtirin, në një kompani të themeluar në Bullgari, Em Capital Group.

Ndërkohë miliona lekë kanë shkuar edhe per kompanitë e gazetarit Endrit Habilajt, kompanitë e të cilit kanë përfituar rreth 50 mijë euro. (Lexo këtu

Kompania ?Focus Group?, e Irfan Hysenbelliut që përfshin televizionin News 24, Balkanweb, etj, ka marrë gjithashtu miliona lekë nga inceneratorët, ndërsa në listëpagesë ka qenë edhe kompania e televizionit Fax News.

Vetëm në gjysmën e parë të 2021 ?Focus Media News?, ka marrë gati 100 milionë nga kompania e Klodian Zotos, të inceneratorëve.

Edhe Fax Media News, është paguar sistematikisht nga kompanitë e inceneratorëve.

Sipas të dhënave të siguruara nga CNA.al, në të paktën 7 fatura të vitit 2021, vlera shkon mbi 90 milionë lekë, para të ekzekutuara për , Fax Media News.

Ndërkohë, miliona kanë marrë edhe portale periferike, apo edhe ?doktori? i Spitalit Amerikan, Baton Haxhiu.

Bëhet fjalë për pagesa të kryera nga kompanitë e inceneratorëve, për ?Albanian Post?, që administrohet nga Baton Haxhiu, i cili është edhe ortak i vetëm me 100% të kapitalit.

Një ndër mediat e paguara nga kompanitë e inceneratorëve është edhe ajo e Carlo Bollinos.

Carlo Bollino dhe mediat e tij paguhen prej vitesh nga pronarët e inceneratorëve me shuma që në total kalojnë qindra milionë lekë.

Sipas dokumenteve ekskluzive të siguruara nga CNA.al, MTSC e Carlo Bollinos është paguar rreth 40 mijë euro në 7 fatura të ekzekutuara, ku vetëm në muajin prill janë paguar 18 milionë lekë ose gati 17 mijë euro.

Por, ndërkohë që SPAK po heton, janë arrestuar zyrtarë e ish-zyrtarë të lartë, janë sekuestruar pasuri, prokurorët e SPAK nuk mund të mbyllin sy e veshë, në lidhje me paratë që kanë shkuar tek mediat kryesore në vend.

SPAK duhet të hetojë çdo transaksion, të gjithë zinxhirin e kompanive, dhe çdo person që ka marrë ?thelën? e tij në këtë aferë.

SPAK duhet të hetojë ku kanë shkuar paratë e taksapaguesve shqiptarë dhe duhet tju rikthehen qytetarëve.

Pasi ata paguajnë taksa, i morën inceneratoret që paguajanë mediat.

Çdo qindrakë duhet të hetohet dhe të kthehet në buxhet./CNA.al

Dokumentet-Inceneratorët, nga skandali në skandal/ Si u përfshi gruaja e Klodian Zotos dhe u bë shoferi pronar

Fundo ?zbërthen? skemën e inceneratorëve/ Sa shkojnë kostot dhe si është abuzuar

Si nisi koncesioni i inceneratorëve, emrat e përfshirë dhe blerja e mediave/ Fundo zbërthen aferën korruptive  

Dokumentet ekskluzive/ Kompanitë e inceneratorëve, qindra milionë lekë për Carlo Bollinon

Miliona për ?mercenarët mediatikë?/ Zbardhen pagesat e inceneratorëve për Baton Haxhiun

DOKUMENTI-Inceneratorët ?blenë? edhe Irfan Hysenbelliun/ Qindra milionë lekë për kompanitë e tij

Kompani ?fantazmë? në biznesin e inceneratorëve/ Bashkëshortja e Klodian Zotos shet aksionet, detaji që ngre dyshimet

Po Vjollca Hoxhën dhe Ben Blushin ku i latë zotërinj prokurorë?

Afera e shekullit/ 300 mijë euro në vit për Irfan Hysenbelliun dhe familjarët e tij

Inceneratorët, miliona për familjarët e Irfan Hysenbelliut/ Zbulohen të tjera dokumente

Lajmet e fundit nga