web counter
LEXO PA REKLAMA!

SHKARKO APP

App Store
Google Play

E fundit!

x

Dalin shifrat/ 306 miliardë lekë kanë paguar shqiptarët për karburantin e pushtetarëve në 8 vjet

21 Mars 2022, 21:03, Denoncim CNA

Emisioni satiriko-invetigativ ?XHADAT? i prezantuar nga Fiori Dardha dhe Rozana Radi nisi sot transmetimin televiziv në MCN television, me një prej temave më të ndjeshme të aktualitetit, karburantet dhe shpenzimet që ka bërë qeveria, që nga viti 2014 deri më sot.

Bazuar në të dhënat zyrtare dhe publike të Agjencisë së Prokurimit Publik, prej të paktën 8-muajsh, gazetarët e emisionit investigativ ?Xhadat? kanë punuar për të gjurmuar dhe analizuar të gjitha shpenzimet për karburant nga të gjitha institucionet qendrore dhe vendore  të 8-vjetëve, 2014-2022, duke evidentuar çdo autoritet kontraktor, objekt të prokuruar bazuar në llojin e procedures ligjore të zbatuar, vlerën e fondit limit, vlerën e kontratës, operatorin e kualifikuar fitues, kategorinë e shpenzimit, ka pasur apo jo garë, a ka fituar oferta më e ulët si dhe Buletinin e Njoftimeve Publike nga Agjencia e Prokurimit Publik.

Në investigimin e hollësishëm gazetarët e emisionit ?XHADAT? kanë arritur të sjellin të plotë panoramën e tenderave dhe shpenzimet e prokuruara nga të gjitha institucionet publike në Republikën e Shqipërisë.

Sipas të dhënave zyrtare për periudhën 2014 ? 2022, janë shpenzuar nëpërmjet 2.924 tenderave, 306 miliardë lekë ose 250 milionë euro.

Nga të cilat, 1838 tendera ose 62.8% janë pa garë, me vlerë 106 miliardë lekë ose 87 milionë euro, pra 35% e vlerës totale.

Për të prokuruar ?blerë? karburant, institucionet kanë përdorur procedura me negocim pa shpallje.

Nga vetë emri, nuk mund të publikohen njoftim për hapje gare publikisht si procedura të hapura, por zbatohen vetëm pasi përmbushin kushte të caktuara ligjore, në të kundër jemi përballë shkeljes së ligjit dhe abuzimit.

E gjithë kjo situatë është rregulluar nëpërmjet ndryshimeve ligjore dhe VKM-ve duke bërë që institucionet në vendin tonë të ?blejnë? karburant sikur janë në kushte të nevojës ekstreme, të shkaktuara nga ngjarje të paparashikueshme.

Por ajo që të bën më përshtypje në investigimin e thelluar të gazetarëve, nuk është vetëm përdorimi i procedurës me negocim pa shpallje dhe procedurës së hapur, por janë tenderat e zhvilluar pa garë, të cilët janë zhvilluar në 62.8% të rasteve, ku vlera e fondit limit e ofruar nga operatorët është thuajse e njëjtë me vlerën e fondit limit të kërkuar.

Arsyeja kryesore pse këto tendera janë pa garë është fakti se tregu i prokurimeve të karburatit është MONOPOL i 5 kompanive, të cilat nga 2924 tendera në total, me vlerë 306 miliardë lekë ose 250 milionë euro, kanë fituar 1570 tendera me vlerë 240 miliardë lekë ose 196 milionë euro, pra 78.3% të vlerës totale./E.K-CNA.al





Lajmet e fundit nga