LEXO PA REKLAMA!

SHKARKO APP

Dëshmia tronditëse/ Eni Çobani kërkon të paralizojë klientët, fsheh të ardhurat

21 Mars 2022, 12:51, Denoncim CNA
Dëshmia tronditëse/ Eni Çobani kërkon të

Juristja e njohur e rubrikës ?Shihemi në gjyq?, Eni Çobani ka përfunduar në gjykatë, pas një kallëzimi që kjo e fundit ka bërë ndaj menaxherit të studios së saj ligjore, Erik Çorati.

Çobani në cilësinë e administratores së studios ligjore që administron ka bërë kallëzim penal, ku pretendon se shtetasi Erik Çorati, menaxher i studios ligjore, nëpërmjet mashtrimit dhe shpërdorimit të detyrës ka përfituar shuma të konsiderueshme monetare nga klientë të cilët paraqiteshin pranë zyrës së saj për të marrë konsulencë ligjore dhe shërbime juridike.

Ndërkohë, CNA.al ka zbardhur të tjera detaje, nga dëshmia e shtetasit Erik Çorati, i cili pretendon se është përdorur nga juristja Eni Çobani, për të fshehur të ardhurat.

Në dëshminë e tij në prani të avokatit, Çorati deklaron se Eni Çobani nuk priste faturë tatimore për pagesat që merrte nga klientët e saj.

?Për personat që paraqiteshin pranë studios për të bërë konsultën ligjore me Eni Çobanin, ai e regjistronte të dhënat në sistemin Exel tek kompjuteri i punës dhe më pas bëhej pagesa prej 10 mijë lekë, ose 100 euro sipas metodës së punës së drejtueses së zyrës për çdo klient bëhej pagesa e mësipërme.

Pasi bëhej pagesa dhe klienti mund të fliste në telefon ose personalisht në zyrë dhe kalohej në fazën e dytë e cila ishte studimi i dosjes ku Eni Çobani iu merrte 30-50 000 lekë, çdo klient për çdo studim dosje pasi bënte pagesën, Eriku fuste shumën në zarf dhe shkrunte në komjuter që pagesa ishte bërë për studimin e dosjes. Pasi bëhej studimi, Eni nxirrte konkluzionin nëse do ta ndiqte ose jo këtë çështje. Për çështje të cilat i merrte për ndjekje në gjykatë, tarifa që duhej të paguente klienti ishte nga 3-5 mijë euro, ose nga 3-5 milionë lekë. Këto shuma momentare paguheshin në dorë pa prerë faturë tatimore, ose mandat pagese të brendshme ose klientët ia transferonin Erikut në Wester Union, të cilat ai pasi i tërhiqte ia dorëzonte Enit, pasi ajo në këtë mënyrë e kishte ndërtuar formën e punës.

Deklaron se përsa kohë ai punonte aty, Eni Çobani nuk priste fatura tatimore për shumat që merrte.

Gjatë gjithë punës nuk ka mashtruar asnjë klient, por ndiqte procedurat e punës të caktuara nga Eni Çobani dhe përfituesja e të gjitha vlerave momentare ka qënë Eni Çobani.

Përveç mashtrimit me klientët ajo ka fshehur të ardhurat duke mos deklaruar të ardhurat e fituara në organet tatimore. Nga bisedat e bëra me familjarët e tij, ajo pretendon shumën mbi 50 000 euro, çka është një mashtrim i pastër i saj, me të cilin ajo ka bërë presion psikologjik, herë me ulërime, e herë me mesazhe e kanosje për jetën.

E konsideron ndalimin e tij si të nxituar dhe kërkon që Eni Çobani ti vendosë në dispozicion të hetimit telefonin e saj për ekspertim komjuterik, pasi bisedat mund të jenë fshirë. Ai nuk mund të ndalohet me disa fotokopje screen-shot bisede??-thuhet në dosje.

Po ashtu Çorati ka bërë edhe një dëshmi tronditëse, ku deklaron se Eni Çobani i ka kërkuar neuroparalizues për klientët me të cilët konfliktohej.

Në dosje thuhet se ?Konflikti mes tyre ka ndodhur pasi Eni Çobani kishte debate të ashpra me shumë klientë të saj, të cilët kishin pakënaqësitë e tyre dhe Eni Çobani i ka thënë Erik Çoratit se do të fillonte të përdorte neuroparalizues me personat me të cilët ajo konfliktohej.

Eriku i ka thënë që me pagesën që ajo i bënte prej 30 mijë lekë në muaj i kryente shumë shërbime, si shofer, sekretar, sistemonte dosjet dhe nuk kishte ndërmend që të përdorte neuroparalizues me klientët me të cilët ajo kishte konflikte. Pasi nuk donte të hapte konflikte personale me askënd. Pas këtij debati Eni Çobani i ka thënë se do të largohej nga puna pasi kishte marrë në punë një vajzë tjetër.

Pas këtij debati ai i ka dorëzuar dhe dy-tre dosje, të cilat i kishte marrë për t?i studiuar dhe pagesa që ishte bërë ishte 60 mijë lekë në total për të dy dyja. Ai sqaron se lekët të cilat tërhiqeshin nga ëester union dorëzoheshin tek Eni Çobani pa ndonjë procesverbal për marrjen e tyre dhe nuk ka pasur asnjë ankesë, si nga Eni dhe nga klientët e Enit.

Eni Çobani në mënyrë të qëllimtë përdorte emrin e tij në llogari bankare dhe wester union në mënyrë që të shmangej nga detyrimet shtetërore?./CNA.al

?Shihemi në gjyq?/ Eni Çobani përfundon në gjykatë, dyshimet për skemë mashtrimi

Lajmet e fundit nga