web counter
LEXO PA REKLAMA!

SHKARKO APP

App Store
Google Play

E fundit!

x

Skandali me inceneratorin e Tiranës/ Kompania shkon në Zimbabve, zbulohet koncesioni 300 milionë euro

18 Mars 2022, 09:07, Denoncim CNA

Skandali me inceneratorin e Tiranës/ Kompania shkon në Zimbabve,

CNA.al ka publikuar një investigim të plotë në lidhje me koncesionin e inceneratorëve në Shqipëri, i cili fillon në Elbasan me një kontratë fillestare 22 milionë euro, shkon në Fier me 28 milionë euro dhe vjen në Tiranë me 128 milionë euro.

Nëpërmjet dokumenteve ekskluzive, CNA.al tregoi se ajo që pretendohej për Tiranën, se koncesioni i është dhënë një kompanie holandeze, dalin të njëjtët persona, të cilërt “fshihen” pas një rrjeti kompanish në Hollandë, të cilat kanë të njëjtën adresë.

Pra, një rrugë, një godinë, një zyrë. Një rrjet kompanish përfaqësuese të cilat drejtojnë dhe firmosin në bashkëpunim me Integrated Energy BV.

Kompania Integrated Energy BV, është aksionere e vetme e kompanisë Integrated Energy BV SPV e cila ka fituar koncesionin e inceneratorit të Tiranës, ku një nga administratorët është shtetasi Giuseppe Ciaffaglione.

Ndërkohë, në 14 shkurt 2020, kjo kompani ka ndryshuar emrin.

Pra, Integrated Energy BV bëhet Geogenix BV dhe këtë e tregon dokumenti i mëposhtëm.

Sipas të dhënave të kompanisë Almares, bashkëfirmosëse, duket qartë se Geogenix BV, është Integrated Energy BV. Kjo e fundit aksionerja e vetme e kompanisë koncesionare të inceneratorit të Tiranës, Integreted Energy BV SPV, ku del si administrator shtetasi Giuseppe Ciafaglione.

Por, së fundi mediat kanë zbuluar se e njëjta skemë, e cila u përdor për koncesionin e incenerartorit të Tiranës, po përdoret edhe në Zimbabve, ku është nënshkruar një marrëveshje për një impiant të përpunimit të mbetjeve në Herare.

Ashtu sikurse raportojnë mediat në Zimbabve, marrëveshja është nënshkruar mes Herare dhe përfaqësuesit të Geogenix BV, Giuseppe Ciaffaglione.

Ky i fundit del si administrator, edhe tek inceneratori i Tiranës.

Mediat në Zimbabve, raportojnë se “Harare dhe investitori holandez Geogenix BV, kanë nënshkruar një marrëveshje për një sipërmarrje të përbashkët, për të ndërtuar një strukturë moderne në Pomona, një vend për grumbullimin e plehrave.

Sipas marrëveshjes, firma do të investojë 303,9 milion euro për një impiant mbetjesh që mund të përdoret për energji në Pomona dhe do të operojë për 30 vjet. Projekti u miratua nga Kabineti muajin e kaluar si një investim projektimi-ndërtimi-operimi-transferimi.”.

Pra, ashtu si në Tiranë, një koncesion për 30 vite, për një impiant mbetjesh, i cili pretendohet se do të prodhojë energji.

“Investitori holandez ka premtuar se puna për ndërtimin e impiantit do të vazhdojë shumë shpejt, 45 ditë pas nënshkrimit të marrëveshjes.

Sipas marrëveshjes, investitori do të projektojë, ndërtojë, operojë dhe transferojë objektin e menaxhimit të mbetjeve Pomona dhe projektin e impiantit të mbetjeve në energji. Marrëveshja më në fund duhet të rregullojë zonën e mbetjeve, e cila ka parë zjarre spontane dhe do të nxisë një termocentral modest. Zëvendës Kryesekretari dhe Koordinatori Kombëtar, Programet dhe Projektet Flamurtare, Zyra e Presidentit dhe Kabineti, Inxhinieri Amos Marawa, ishte dëshmitar i nënshkrimit dje dhe siguroi që të dyja palët ishin në dijeni të miratimit dhe mbështetjes së qeverisë.

Eng Maraëa tha se ky ishte një rast shumë i rëndësishëm ku qeveria dëshmoi, “historinë e suksesit të një marrëveshjeje koncesioni të sipërmarrjes së përbashkët, e cila është partneriteti i suksesshëm midis qytetit të Harare dhe investitorit tonë Geogenix BV të Holandës“.-raporton Herald.co.zw.

Më tej, në shkrim thuhet se “Eng Marawa tha se qeveria ishte e përkushtuar të ndihmonte në këtë drejtim si pjesë e shtytjes administrative të Presidentit Mnangagëa për të mbështetur projektet e ankoruara në përmirësimin e jetesës së njerëzve duke ushqyer kështu një shoqëri me të ardhura të mesme të larta deri në vitin 2030.

Kryetari i bashkisë së Harare, këshilltari Stewart Mutizwa dha detaje të projektit.

Ne do të prezantojmë programin e menaxhimit të integruar të mbetjeve, i cili do të ketë pajisjet më moderne që do të vijnë nga Geogenix BV i Holandës.”.

Po sipas kësaj media, përfaqësuesi i Geogenix BV z. Giuseppe Ciaffaglione tha se ata janë të përkushtuar të bëjnë një punë gjithëpërfshirëse në kuadër të këtij projekti.

“Është një projekt shumë i madh për ne dhe për Harare gjithashtu dhe ne sigurojmë se brenda një periudhe të shkurtër cilësia e mjedisit dhe e jetës së qytetarëve të Harares do të ndryshojë”, tha shefi i Geogenix BV./CNA.al

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Koncesioni 128 milionë euro/ Zbulohen kompanitë në Hollandë me drejtorë Rusë

Thellohet afera e inceneratorit të Tiranës/ Ndërtoi pa leje?!

Koncesioni 128 milion euro/ Plas skandali në Shqipëri, kompania ndryshon emër në Hollandë

Thellohet afera e inceneratorit të Tiranës/ Ndërtoi pa leje?!





Lajmet e fundit nga