web counter
LEXO PA REKLAMA!

SHKARKO APP

App Store
Google Play

I denoncuar nga Fiks Fare/ Prokurori Agovi vijon detyrën

11 Mars 2022, 15:16, Denoncim CNA

Prokuroi i Prokurorisë së Tiranës Arben Agovi është një emër jo pak i njohur për publikun shqiptar. I denoncuar dhe i përfshirë në disa çështje të ndryshe, prokurori Agovi vijon të jetë ende në sistemin e drejtësisë.

Agovi, të gjithë karrierën e ka të përqëndruar në zonën e Kurbinit, Mirditë dhe më vonë në Lezhë, e për tu zhvendosur më pas në Tiranë, ku ndodhet aktualisht. Në duar të tij kanë kaluar disa raste, të cilat janë raportuar në opinionin publik.

Prokurori Agovi është denoncuar në datën 4 nëntor 2019 nga emisioni investigativ Fiks Fare.

Në atë kohë, Fiks Fare, pasi kishte marrë një denoncim se në pikën kufitare të Murriqanit nuk mund të kaloje nëse nuk paguaje 20 euro policin që të vuloste pasaportën, nisi verifikimet.

Një qytetarë nga Lezha, i cili udhëtonte në drejtim të Gjermanisë prej dy viteve, në atë kohë u shpreh për Fiks Fare se ka marrë letër nga policia, edhe nga prokuroria dhe gjykata. Në të gjitha hallkat ai thotë se ka paguar prokurorin Arben Agovi, të cilit i kam dhënë 500 euro për ti dhënë një letër ashtu siç duhej.

Kjo është një nga çështjet që karakterizon anën e tij profesionale, por ka edhe të tjera, të cilat CNA.al do i sjellë për vëmendjen e publikut në ditët në vijim./E.K-CNA.al





Lajmet e fundit nga