LEXO PA REKLAMA!

SHKARKO APP

Fakte të reja, prova për SPAK/ Lidhjet e Vjollca Hoxhës dhe Ben Blushit me pronarët e inceneratorëve

1 Mars 2022, 10:18, Denoncim CNA
Fakte të reja, prova për SPAK/ Lidhjet e Vjollca Hoxhës dhe Ben

Afera e inceneratorëve, e cila fillon me tre kontrata koncesionare, 22 milionë euro në Elbasan, 28 milionë euro në Fier dhe 128 milionë euro në Tiranë, duket se është një skandal, për të cilin ditë pas dite dalin në dritë fakte dhe detaje të reja.

CNA.al ka denoncuar me fakte dhe dokumente ekskluzive aferën e inceneratorëve, e cila ka të bëjë me disa qindra milion euro, ku ndërlidhen të njëjtët emra, të njëjtët personazhe, por me emra kompanish të ndryshme, të cilat fillojnë në Tiranë, e përfundojnë në Hollandë.

Ndërkohë, CNA.al ka zbuluar edhe ortakëritë e pronarëve të inceneratorëve me drejtues apo dhe pronarë mediash. Janë të paktën tre kompani, ku aksionerja e Top Channel, Vjollca Hoxha dhe ish-drejtori i këtij televizioni, Ben Blushi, janë në ortakëri me pronarët e inceneratorëve.

Së pari është kompania Em Capital Group, e themeluar në Bullgari, ndërsa ortakë janë Klodian Zoto, Mirel Mërtiri dhe Eva Blushi, bashkëshortja e Ben Blushit.

Më tej, është kjo kompani e cila vjen në Shqipëri dhe blen për 2.2 milionë dollarë Valtelina Kafe, e cila mban emrin tregtar Lori Kafe. Dhe që ?rastësisht? ka të njëjtët pronarë me Top Channel.

Por, një kompani e tretë, është Kudo Pay, ku aksionerë janë Stela Gugallja, pronarja e inceneratorit të Elbasanit, e shpallur në kërkim, si dhe Ben Blushi e Vjollca Hoxha.

Ndërkohë, në këtë kompani, ashtu sikurse shikohet edhe në foton më poshtë, administrator është Adriano Kadiu.

Adriano Kadiu duket se është edhe ?lidhja? mes Vjollca Hoxhës dhe Stela Gugalles të inceneratorit të Elbasanit. Afera e të cilit ka çuar pas prangave ish-ministrin Lefter Koka.

Adriano Kadiu dikur shef sigurie në Digitalb sot është asministrator i kompanisë në ortakëri të Vjollca Hoxhës, Stela Gugalles dhe Ben Blushit.

Ka dhe informacione se personi në fjalë emrin e vërtetë e ka pasur Shpëtim Kadriu, por e ka ndryshuar në Adriano Kadriu.

Ai ka qënë anëtar i partisë LIBRA, të ben Blushit. Koordinator i njësisë numër 4 në Tiranë.

Pra, njeriu që nihej si shefi i sigurisë të Digitalb është administratori i ortakërisë së Vjollca Hoxhës me Stela Gugallen.

Dhe SPAK ka përpara fakte tronditëse të lidhjeve të thella të Vjollca Hoxhës, me pronarët e inceneratorëve, jo vetëm si kompani por edhe të personave që shkojnë nga Libra e Ben Blushit, tek siguria e Digitalb dhe deri tek ortakëria me Stela Gugallen./CNA.al

SPAK pa sy e pa veshë/Vjollca Hoxha në ?shtratin? e drejtësisë

Ekskluzive/ Dalin hapur, Ben Blushi, Vjollca Hoxha dhe pronarët e inceneratorëve themelojnë kompani në Tiranë

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Faktet/ Vjollca Hoxha, si ortake e pronarëve të inceneratorëve

Lajmet e fundit nga