LEXO PA REKLAMA!

SHKARKO APP

App Store
Google Play

E fundit!

x

SPAK pa sy e pa veshë/Vjollca Hoxha në “shtratin” e drejtësisë

28 Shkurt 2022, 09:59, Denoncim CNA
SPAK pa sy e pa veshë/Vjollca Hoxha në “shtratin” e

Mediat e Vjollca Hoxhës janë kthyer në instrumenta sulmesh për çështje krejtësisht personale apo të historive rozë dhe lidhjeve të zonjës me emër luleje.

Po deformojnë atë për të cilin media krijohet, të vërtetën. Po deformojnë atë që media ka mision, informimin e publikut dhe qëndrimin në anë të tij.

Po qëndrojnë si palë duke ndërhyrë në çështje të caktuara gjyqësore duke sulmuar dhe akuzuar. Po qëndrojnë si pjesë e goditjes ndaj njerëzve të drejtësisë, jo për të vërtetat që duhen.

Pra, jo për korrupsionin në drejtësi, jo për zbardhjen e pasurive të tyre, jo për një vetting të vërtetë, por për interesat e ?shtratit? të ngrohtë që i duhet Vjollcës në lidhje me bizneset afër saj të individëve në krah të saj, që kërkojnë të marrin atë që nuk iu takon.

Prej muajsh sulmojnë biznesmenë, gjyqtarë, deklarohen firma të falsifikuara në emisionet dhe gazetat e falimentuara të Vjollcës, dhe gënjehet publikisht, pa i bërë syri tërr, askujt. Thjeshtë dhe vetëm, sepse në finale dikush nuk pranon atë që i takon, por kërkon të marrë disa fish më shumë.

Duke gënjyer dhe drejtësinë dhe kjo e fundit nuk ka forcë që të ndalë një abuzim, një vjedhje, një shkelje, sepse nga pas qëndrojnë ?shpatat? e Vjollcës që kujton se me to mund të çajë gurët, kur në fakt ato janë ?thika?, ato janë ?armët? që i futen drejtësisë.

Janë ?armët? që i futen medias. Të parës për të rrëmbyer në mënyrë të padrejtë, të pamerituar, duke përdorur drejtësinë, të dytën duke sakatuar mediat. Kjo për individë, siç e theksuam më lart, që ngrohin ?shtratin? e Vjollcës, që kërkojnë kapjen e drejtësisë.

Në fakt drejtësia duhet ta ketë në ?shtratin? e saj Vjollcën.

Duhet ta ketë për kompaninë Em Capital Group, që ka blerë 51% të aksioneve të Lori Kafe.

Pra, Klodian Zoto, Mirel Mërtiri dhe Stela Gugallja. Dy të shpallur në kërkim, i treti i quajtur si ?truri? i aferës 430 milionë euro të inceneratorëve. Një koncesion 128 milionë euro për inceneratorin e Tiranës, dhe 50 milionë euro, në Fier dhe Elbasan, janë ortakët dhe kanë paguar zonjën me emër luleje.

Zoto dhe Mërtiri janë ortakët e Vjollca Hoxhës tek Lori Kafe, pasi kanë blerë 51% të aksioneve duke pasur si ortake edhe Eva Blushin, bashkëshorten e Ben Blushit.

Gjithashtu drejtësia duhet të hetojë si u paguan 2.2 milion dollarët për blerjen e kësaj kompanie.

SPAK duhet të hetojë si u themelua kompania Kudo Pay, kujt do i shërbejë dhe për çfarë duhet. Një kompani në ortakëri të Stela Gugalles, Vjollca Hoxhës dhe Ben Blushit. E plot e plot biznese të tjera.

Pa folur për përplasjet në drejtësi, të subjekteve që kanë kryer shërbime në Top Channel dhe nuk janë paguar, edhe pse kanë prerë fatura me TVSH dhe drejtësia ka thënë se këto fatura nuk ekzistojnë.

Ndoshta Vjollca është mësuar që duke përdorur stemën e drejtësisë të “grabitë” aksione. Siç është rasti i vendimeve skandaloze gjyqësore në lidhje me pronësinë e Top Channel, ku Aurel Baçi dhe Albert Sino kanë humbur 60% të aksioneve.

Ka shumë raste të tjera brenda sistemit të drejtësisë, por funksionon telefoni, funksionon presioni. Funksionon Vjollca, funksionojnë ?ushtarët? e saj tek drejtësia.

Gjithçka ka qënë për Top Channel, për kompanitë e saj. Por, sot ka nevojë të bëhen ndërhyrje, ka nevojë të bëhet presion me shkrime të pavërteta për të ?ngrohur? apo lumturuar atë që ?ngroh? Vjollcën për t?i dhënë drejtësi.

Drejtësia nuk mund të jetë peng i  krevateve të ngrohta, por duhet të jetë Vjollca pjesë e ?shtratit? të drejtësisë sepse kompanitë e saj, njerëzit afër saj, ortakët e saj kanë marrë qindra milionë euro nga taksat e shqiptarëve dhe i kanë paguar si propagandë në media e Top Channel, apo për ortakëri Vjollca Hoxhën, dhe këto janë paratë e shqiptarëve. Kjo duhet hetuar e zbardhur nga SPAK, duhet të hetojnë skandalet e të mbrojnë të sulmuarit dhe të ngrihen akuzat për rastet e përsëritura. SPAK duhet të tregojë se vendos drejtësi për çdo qindarkë të shqiptarëve, qofshin të Klodëve, Vjollcave, Blushëve e kujtdo tjetër.

Mediat e saj, kanë misionin e tyre, nuk shërbejnë dëshirave për të “ngrohur një shtrat”. Në fakt ?shtrati? i vërtetë duhet të jetë ai i drejtësisë për zonjën me emer luleje e të gjithë që sollëm më lart./CNA.al

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive/ Dalin hapur, Ben Blushi, Vjollca Hoxha dhe pronarët e inceneratorëve themelojnë kompani në Tiranë

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Faktet/ Vjollca Hoxha, si ortake e pronarëve të inceneratorëve

Lajmet e fundit nga