E fundit!

07:18 Aktualitet

Këshilli i BE-së miraton sot heqjen e tarifave roaming me vendet e Ballkanit Perëndimor

Këshilli i Bashkimit Europian pritet të miratojë ditën e e...

Dokumentat nuk gjenden, studenti aplikon sërish për të marrë bursën e muajve të djegur

25 Shkurt 2022, 21:12, Denoncim CNA

Pas disa sorollatjeve mes postës dhe Fakultetit, studenti denoncues aplikon sërish për të përfituar bursën që i takon pasi vjen nga familje në nevojë. Pas këmbënguljes së emisionit ?Stop? në fakultet premtojnë që ai do ta përfitojë bursën, madje edhe 5 muajt e djegur për shkak të mosgjetjes së dokumentacionit.

Studenti: Erdha prapë unë.

Punonjësja: O zotëri, a ta tregova, a ta nxorra shkresën dhe e pe me sytë e tu, që është firmosur? Nuk kemi ne Moza, postieri jonë e ka emrin Agustin. Moza, nuk e di, është punonjësi i asaj, sekretare a protokolliste, nuk e di, se cfarë është!

Studenti: Dy protokolliste ishin atje!

Punonjësja: Nuk e di çfarë janë atje, se unë nuk e di fare. Unë di të them, që ajo te fleta?

Studenti: Po pra!

Punonjësja: Eh, nuk e di pastaj! Të sjellin vërdallë ato cuni, nuk të kanë nxjerrë përgjigjie, nuk e di, çfarë të them!

Studenti: Ato thonë, nuk e gjejnë letrën fare!

Punonjësja: Ore, ta gjejnë, ku të dojnë letrën, ka shkuar dhe është firmosur dhe pikë!

Studenti: E di pse më ngatërruan ato? Se më thonë, që kjo Moza e ka firmosur, që e ka dorëzuar tek ne.

Punonjësja: Po mo ashtu thuaji! Është postier. Po pse nuk e dinë ato, se kush e shpien postën e?Po e dinë mo ato, ne kemi postier e nuk kemi postiere në atë shkollë. Më kupton apo jo?

Studenti: Ato atje s?kanë asnjë Moza në protokoll.

Punonjësja: Nuk e di! Nuk e di çfarë të them. Gjithsesi ti e pe që ishin të firmosura, ajo e ka atje letrën. Ta gjejë! Po tani, se s?të japin ty përgjigjie apo përtojnë, nuk e di! Letra është nëshkruar dhe pikë!

Studenti do të dorëzojë dokumentin dorazi, siç e kanë udhëzuar nga sekretaria e fakultetit duke thyer protokollin e pandemisë sepse e pa që protokolli i pandemisë nëpërmjet postës nuk funksionon.

Gazetarja: Çfarë ndodhi?

Studenti: Pata një takim me dekanen dhe ajo më tha që rasti im do të shikohet. Për muajt që kanë mbetur nga Shtatori e deri tani, për ata do të bëjmë një kërkesë dhe do të rishikohet një mundësi zgjedhjeje. Unë vetë nuk do ia dilja dot, por falë jush e arrita një përfundim dhe një zgjidhje. Falenderoj shumë emisionin ?Stop? për ndihmesën./tvklan