E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

Gazetari zbardh falsifikimin e testamentit, në pranga autorja

18 Mars 2022, 20:16, Denoncim CNA

Në Qershor të vitit të kaluar, emisioni ?Stop? në Tv Klan transmetoi denoncimin e disa familjarëve nga Elbasani, që pretenduan, se ishin përjashtuar nga testamenti me falsifikime nga ana e noteres, në mënyrë, që përfituese e vetme të ishte Afërdita Musmuça. Historia e pasurisë vinte nga e ndjera Ismete Musmuça, e cila ka qenë vajzë e vetme e një familjeje shumë të pasur dhe me shumë prona në qytetin e Elbasanit.

Një prej trashëgimtarëve të Ismetes, i cili vuan nga problemet mendore, Fatmir Musmuca, jeton në kushte ekstreme dhe ushqehet në mensat sociale të bashkisë Elbasan, ndonëse teknikisht ai është i pasur. Ndaj, ?Stop? u nis në verifikimin e këtij testamenti duke folur fillimisht me mjekët që kanë diagnostikuar aftësinë mendore të Fatmir Musmuçës.

Mjeku Everest Hoxha: Këta zotërinjtë janë gazetarë, po kanë një problem me një testament, që kemi qenë ne bashkë në komision. Është ndonjë firmë e jotja nga këto këtu?

Mjekja Evis Skuqi: Firma ime është kjo. Çfarë problemi keni?

Gazetari: Në lidhje me një testament…

Mjekja Evis Skuqi: Kjo është firma ime.

Mjeku Everest Hoxha: Aaaa, jo jo! Vetëm firmën time e kanë qa ato…

Testamenti problematik u përpilua në vitin 2011 nga noterja Majlinda Lato dhe në prani të avokatit Unitet Dedja në shtëpinë e të moshuarës. Gazetari i ?Stop?mundi të takojë përfituesen e vetme të testamentit, Afërdita Musmuça, e cila bëri blof, duke deklaruar se testamenti është bërë në zyrën e noteres, kur kjo e fundit pohon, se është bërë në shtëpinë e të moshuarës.

Gazetari: Rastin e testamentit që folëm ajo thotë që është bërë në zyrë, ndërkohë, kur unë të pyeta ty, më thatë, që ishte e pamundur dhe shkuam…?

Noterja Majlinda Lato: Testamenti është bërë në shtëpi.

Pas publikimit tonë, Prokuroria e Elbasanit regjistroi menjëherë procedimin penal për mashtrim ndaj falsifikatores Afërdita Musmuça. Pas hetimeve intensive, organi i akuzës në Elbasan ka vendosur masën e sigurisë ?arrest me burg? për Afërdita Musmuçën./tvklan.al