E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Po Vjollca Hoxhën dhe Ben Blushin ku i latë zotërinj prokurorë?

29 Mars 2022, 12:24, Denoncim CNA

Prokuroria e Posaçme Kundër Krimit të Organizuar dhe Korrupsionit, e njohur ndryshe si SPAK, ka kryer sot disa arrestime në kuadër të hetimeve në lidhje me aferën e inceneratorëve.

Kujtojmë këtu se disa muaj më parë, pas hetimit të SPAK për inceneratorin e Elbasanit, u vu në pranga Lefter Koka, ish-ministri i Mjedisit.

Ndërsa, mbrëmjen e djeshme SPAK lëshoi nëntë urdhër arreste, të cilat u ekzekutuan në orët e para të mëngjesit të sotëm. Fokusi i SPAK ka qenë inceneratori i Fierit, për të cilin iu vunë prangat disa zyrtarëve të lartë në bashkinë e atij qyteti.

Po ashtu SPAK i është drejtuar Kuvendit me një kërkesë, edhe për arrestimin e deputetit të PS, Alqi Bllako, i cili ka qënë ish-Sekretar i Përgjithshëm i Ministrisë së Mjedisit, në kohën që ky institucion drejtohej nga Lefter Koka.

Po ashtu me urdhër të GJKKO janë vënë nën ?sekuestro preventive?, disa nga pasuritë e ish-ministrit Lefter Koka dhe deputetit Alqi Bllako janë sekuestruar nga SPAK.

Konkretisht mësohet se SPAK ka sekuestruar 4 prona të paluajtshme dhe një llogari prej më shumë se 146 mln lekë të përfituar nga koncesionari i Fierit, të ish ministrit Koka. (Lexo këtu)

Duket se SPAK ka ?harruar? ortakët e pronarëve të kompanive të inceneratrorëve.

Janë të paktën tre kompani, në të cilat dalin emrat e Ben Blushit, ish-drejtorit të Top Channel, dhe Vjollca Hoxha, aksionerja e këtij televizioni, në ortakëri me pronarët e inceneratorëve.

Së pari është kompania Em Capital Group, e themeluar në Bullgari, ku bashkëaksionerë janë Klodina Zoto, Mirel Mërtiri dhe Eva Blushi, bashkëshortja e Ben Blushit.

Më pas është kjo kompani, e cila vjen në Tiranë dhe për 2.2 milionë dollare blen 51% të aksioneve të Valtelina Kafe, e cila mban emrin tregtar Lori Kafe dhe që ?rastësisht? ka të njëjtët pronarë me Top Channel. Për më tepër pas blerjes së 51% të aksioneve të Lori Kafe, vëllai I Alqi Bllakos u punësua pranë kësaj kompanie.

Më tej, në skenë del edhe një kompani e tretë, ku Vjollca Hoxha dhe Ben Blushi dalin hapur me emrin e tyre.

Kompania quhet Kudo Pay, dhe bashkëaksionerë janë Stela Gugallja, pronarja e inceneratorit të Elbasanit e shpallur në kërkim, si dhe Ben Blushi dhe Vjollca Hoxha.

Lëvizjet e SPAK, hetimet, arrestimet, sekuestrimi i pasurive janë për t?u përshëndetur.

Por, afera e inceneratorëve duhet hetuar deri në fund. Duhen hetuar ortakëritë dhe çdo kush që ka ?ngjyer gishtin? në këtë aferë.

Nëse SPAK do të tregojë që është në lartësinë e pritur nga opinion publik shqiptar por dhe ndërkombëtarët, nuk mund të bëjë një sy qorr për ortakët e pronarëve të inceneratorëve./CNA.al

Nga Koka, tek Bllako/ Bllokohen 2 milionë euro pasuri të njerëzve të inceneratorëve

Fakte të reja, prova për SPAK/ Lidhjet e Vjollca Hoxhës dhe Ben Blushit me pronarët e inceneratorëve

SPAK pa sy e pa veshë/Vjollca Hoxha në ?shtratin? e drejtësisë

Ekskluzive/ Dalin hapur, Ben Blushi, Vjollca Hoxha dhe pronarët e inceneratorëve themelojnë kompani në Tiranë

Ekskluzive dokumenti/Zbulohet ortakëria e Klodit të inceneratorëve me Ben Blushin