E fundit!

10:21 Aktualitet

Fshehu qindra mijëra euro në tubimin e aspirimit/ Amnistia Penale nxjerr nga burgu pastruesen “famoze”

Rozeta Dobi, e dënuar për vjedhjen e një shume të konsider...

Basha humbte zgjedhjet/ Kunati shtonte pasurinë me 3 mijë m2 në qendër të Tiranës

24 Mars 2022, 09:48, Denoncim CNA

Basha humbte zgjedhjet/ Kunati shtonte pasurinë me 3 mijë m2 në

Erion Isufi i njohur në media dhe në rrethet e politikës si kunati, një personazh shumë i akuzuar shpesh, si njeriu ku Lulzim Basha qarkullon gjithçka, ku ka marrë vendimet për PD dhe mbi PD-në, humbjet e Bashës i ka përkthyer në pasuri.

Ndërsa Basha nga njëra anë dilte dhe bërtiste, për kriza ekonomike, Isufi nga ana tjetër shtonte bizneset.

Kur PD po shkërmoqej dita ditës, dhe ishte futur në një krizë totale nga humbja në humbje, Erion Isufi shtonte pasuritë e patundshme.

Një situatë e tillë ka ndodhur edhe në Gushtin e vitit 2021, kur PD kishte pësuar humbjen e radhës, ish kryeministri Sali Berisha u shpall non grata nga SHBA, kur demokratët zienin dhe kur PD u përfshi në proces zgjedhor.

Siç paralajmëroi një ditë më parë CNA.al, do të sjellë listën e pasurive të patundshme miliona euro që Erion Isufi dhe babai i tij i ndjerë kanë blerë në Gusht të vitit 2021.

CNA.al ka mësuar se në gusht të vitit 2021 Erion Isufi në bashkëpunim me të atin dhe të shoqen dhe si përfaqësues i shoqërisë “Moveo Albania Technology” shpk ka nënshkruar disa kontrata sipërmarrje/prenotimi me shoqërinë e ndërtimit “Lion Construction” shpk për porosinë e disa pasurive të paluajtshme në rezidencën më të re që po ndërtohet në rrugën e Elbasanit.

Ai ka blerë sipërfaqe të tëra njësish tregtare, apartamente, vende parkimi, një godinë polifunksionale, që i është hapur rruga për ndërtim që në vitin 2019, pas një vendimi të KRRT-së.

Gjithë këtë patundshmëri, kunati i Bashës e ka blerë në një nga zonat më të shtrenjta dhe nga më luksozet në Tiranë.

Rezidenca në fjalë po ndërtohet pranë Liqenit artificial, ku 14 kate do të jenë mbi tokë dhe tre kate të tjera nëntokë.

Në këtë kompleks lukzos, Isufi ka blerë dy njësi tregtare me sipërfaqe marramendëse, për zhvillim biznesi.

Njëra nga njësitë tregtare ka sipërfaqe 985.2 m2 , ndërsa njësia tjetër tregtare ka me sipërfaqen 1’158.66 m2.

Gjithashtu Erion Isufi ka blerë një apartament dhe tre vendparkime po në të njëjtën rezidencë me njësitë tregtare.

Në emër vjehrrit të ndjerë te Lulzim Bashës, Xhaferr Isufi janë vënë pasuri të tjera të patundshme të blera në të njëjtën kohë me njësitë tregtare nga Erion Isufi dhe bashkëshortja e tij.

Një apartament dhe dy vendparkime, rezultojnë që janë blerë nga Xhaferr Isufi.

CNA.al do të sjellë në vijim edhe çmimet marramendëse me të cilat janë blerë këto pasuri të patundshme, në kohën që PD ishte zhytur me keq se kurrë në krizë, dhe Lulzim Basha humbjet i konsideronte si beteja dhe luftra./CNA.al

Ekskluzive-PD digjej/ Kunati i Bashës blinte mijëra metër katrorë biznese

Kunati “big money”, i Lulzim Bashës/ Milionat që mbledh nga kompanitë e tij

Dokumentet/ Të gjithë oligarkët paguajnë kunatin e Bashës

Kompanitë e familjarëve të Bashës 2 miliardë lekë xhiro, deklarojnë fitime thërrimet/ Evazion fiskal qindra milonë lekë?!

Zbulohen oligarkët e Lulzim Bashës?!/ Miliarda lekë në bizneset e kunatit