web counter
LEXO PA REKLAMA!

SHKARKO APP

App Store
Google Play

E fundit!

x

Tendera korruptivë për blerjen e oksigjenit mjekësor/ Dokumente, si abuzohet me çmimin

8 Qershor 2022, 12:40, Denoncim CNA

Tendera korruptivë për blerjen e oksigjenit mjekësor/ Dokumente,

Tenderat për blerjen e oksigjenit mjekësor dyshohet se organizohen në bazë të një skeme të dyshimtë korruptive.

Pothuajse të gjitha spitalet e vendit tonë blejnë oksigjen mjekësor në Maqedoninë e Veriut, me një çmim dyfish më të lartë sesa e marrin spitalet atje.

Po sjellim një rast të konstatuar në një nga spitalet.

Në muajin dhjetor 2020, Spitali Rajonal i Korçës ka hapur një tender me vlerë plot 1 milion euro për blerjen e oksigjenit të lëngët dhe të gaztë.

Sipas një dokumenti që posedon CNA.al, rezulton se spitali Rajonal i Korçës e blen 1 litër oksigjen mjekësor në Maqedoninë e Veriut plot 135 lekë të rinj.

Ndërsa, spitali i Shkupit e blen për vetem 68 lekë. Pra, thënë më qartë, Korça e blen pothuajse dyfish më shtrenjtë.

Dokumenti i mëposhtëm është kjo kontratë mes kompanisë "Messer" në Maqedoninë e Veriut  dhe spitalit shtetëror të Shkupit. Bëhet fjalë për të njëjtën kompani që operon edhe në Shqipëri.

Tendera korruptivë për blerjen e oksigjenit mjekësor/ Dokumente,

Sipas këtij dokumenti, spitali i Shkupit e ka blerë 1 litër oksigjen të lëngshëm për 34 dinarë ose 0.55 euro, ose nëse e llogarisim në lekë i bie 68 lekë.

Ndërsa, sipas dokumentit të mëposhtëm, spitali i Korçës, 1 litër oksigjen të lëngshëm e ka blerë plot 135 lekë.

Tendera korruptivë për blerjen e oksigjenit mjekësor/ Dokumente,

Në të dyja rastet, furnizues është firma “Messer”, por spitalet në Shqipëri e blejnë më shtrenjtë.

Si abuzohet me çmimin

Ministria e Shëndetësisë ka një bord i cili miraton detyrimin ligjor për çmimin e referencës për miratimin e çmimit.

Sipas VKM-së me nr. 645 të datës 1.10.2014, “çmimi i referencës” për Shqipërinë do të jetë çmimi më i ulët nga elementët e mëposhtëm. Çmimi që aplikohet ndër pesë shtetet referente. Çmimi i tregtimit me pakicë të barit në vendin e origjinës. Ose çmimi i shitjes me pakicë të barit në Shqipëri duhet të jetë më i ulët ose i njëjtë me çmimin e shitjes me pakicë të tij në vendin e origjinës.

Në pikën 9 të kësaj VKM-je,  thuhet se çmimet “CIF” të deklaruara në Shqipëri do të krahasohen me çmimet e tregtimit me shumicë të shteteve referente: Itali, Greqi, Serbi, Maqedoni dhe Kroaci.

Tendera korruptivë për blerjen e oksigjenit mjekësor/ Dokumente,

Pra, nuk lejohet deklarimi i çmimit më shumë se çmimi i vendit të origjinës, që në rastin konkret të dyja kompanitë vendin e origjinës e kanë në Maqedoni.

Kujtojmë se në janar të vitit 2019, fabrika e prodhimit të oksigjenit, "Medical", të gazrave teknike shqiptare, nuk prodhon më, e ka mbyllur shteti për këtë pjesë, duke krijuar kështu monopol, por që këtë çështje do ta trajtojmë në shkrime të tjera./CNA.al





Lajmet e fundit nga