LEXO PA REKLAMA!

SHKARKO APP

Drejtësia përfshihet në skandal/ Për një dele të arreston, me drogë dhe armë të lë të lirë

6 Qershor 2022, 11:07, Denoncim CNA

Drejtësia përfshihet në skandal/ Për një dele të

Drejtësia në vendin tonë, jo vetëm punon me dy standarde, por tashmë i ka shumëfishuar standardet.

Janë me dhjetëra njoftime Policie, e më pas vendime gjykate, që flasin për të arrestuar dhe të dënuar, që janë zënë me një dele duke kaluar kufirin dhe që e kanë kategorizuar si vepër penale të kontrabandës, me disa kilogramë produktesh ushqimore, me një metër kub dru, apo me ndonjë ngulje gozhde apo rregullim çatie në ndonjë fshat ku banorët numërohen me gishta.

 

Për të tilla raste mban rekord Policia e Korçës dhe Gjykatat atje, por të shpeshta këto raste i hasim edhe në rrethe të tjera.

Ndërkohë që ka raste që kapet personi me drogë dhe armë, lihet i lirë në shërbim prove për t’i shërbyer komunitetit.

Kush mund t’i shërbejë më mirë komunitetit, një qytetar që ka bërë pazar për shtëpinë e tij matanë kufirit, një  hallexhi që i pikon çatia dhe duhet ta rregullojë apo një person që kapet me drogë dhe nën efektin e drogës dhe me armë.

Sigurisht edhe ky person duhet rehabilituar, por për këtë gjë ka institucione dhe nuk mund të lihet i lirë.

Ashtu siç ka ndodhur në rastin e gazetarit, E.L, që është kapur me drogë dhe armë, dhe më pas është lënë i lirë.

Dhunë në familje, armë, drogë

I njëjti, sipas Policisë, është arrestuar edhe për dhunë në familje, një vepër penale kjo mjaft e rëndë.

 “Specialistët për Hetimin e Krimit bënë arrestimin në flagrancë të shtetasit E. L., 34 vjeç, pasi në kundërshtim me vendimin e Gjykatës ka ushtruar dhunë fizike dhe psikologjike ndaj bashkëshortes së tij. Nga specialistët për Hetimin e Krimit u bë arrestimi në flagrancë i shtetasit E. L.,  pasi gjatë kontrollit të mjetit me të cilin ky shtetas qarkullonte, në çantën e dorës iu gjet dhe iu sekuestrua një armë zjarri pistoletë”, ka njoftuar më herët policia.

Drejtësia përfshihet në skandal/ Për një dele të

Dyshimet ngrihen nëse policia mashtroi apo ka nxjerrë rast tjetër në njoftimin për shtyp që i referohet dhunës në familje apo është i njëjti rast dhe është tjetërsuar mosha dhe i është hequr raportimi për lëndën narkotike.

Por, fakt është se gazetari E. L. është bërë nga focat e Policisë të Komisariatit numër 1,  në rrugën “Ali Demi”, në vendin e quajtur “Trekëndëshi i Flamurit Gjerman” në Tiranë.

Pasi automjeti i tij është ndaluar nga Policia, janë gjetur në sendet e tij personale edhe arma pistoletë “Ekol”, dhe një sasi lënde narkotike.

Drejtësia përfshihet në skandal/ Për një dele të

Drejtësia përfshihet në skandal/ Për një dele të

Gjatë marrjes në pyetje, gazeatri Elio Laze ka pranuar se është konsumues i lëndëve narkotike.

“Mbrëmë me datë 27.05 2021, rreth orës 22.00 dola nga zyra e punës për t’u qetësuar dhe mora rrugën e vjetër nacionale Tiranë-Elbasan ndalova për të konsumuar një cigare hashash”, ka thënë Laze para oficerit të Policisë Gjyqësore.

Prokuroria kërkon burg, Gjykata e lë të lirë

 “Nisur nga rrezikshmëria e veprës penale për të cilën dyshohet, organi i prokurorisë ka kërkuar vleftësimin e ligjshëm të arrestimit në flagrancë dhe caktimin si masë sigurimi personal ndaj personit nën hetim atë të 'Arrest në burg', thuhet në vendimin për vlerësimin e masës së arrestit, numër 854.

Sipas Prokurorisë, rezulton se në rastin konkret, veprat për të cilat dyshohet se ka kryer personi nën hetim E. L. neni 278/1 parashikon dënimin me burgim nga 5 deri 7 vjet.

Në këto kushte, konform nenit 252 të Kodit të Procedurës Penale, arrestimi në flagrancë i personit nën hetim është bërë nga ana e policisë gjyqësore në përputhje me kriteret e përcaktuara në nenin 252 të K.Pr.Penale pasi personi nën hetim është kapur me sende dhe prova materiale pa leje të organeve kompetente, nga të cilat duket se ka kryer veprën penale të parashikuar nga nenet 278/1 të K.Penal.

Por sot ai është i lirë, në shërbim prove, ndërsa në burgje mbahen njerëz me vepra penale shumë herë më pak të rënda./CNA.al

Lajmet e fundit nga