E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

Autoriteti i Konkurrencës përfshihet në skandal/ Merr në mbrojtje kompaninë e preferuar në koncesionet e Rilindjes

10 Qershor 2022, 11:53, Denoncim CNA

Autoriteti i Konkurrencës përfshihet në skandal/ Merr në

Një ndër kompanitë për të cilën ngrihen dyshime se është kliente e Qeverisë së Rilindjes, e preferuara e saj është kompania "NOA". Kjo e fundit del në disa kontrata, të cilat janë denoncuar nga CNA.al.

Një ndër këto është edhe një koncesion i shumakuzuar. I raportuar në media ku me një palë pinca në dorë, një kompani private do të marrë rreth 70 milionë euro. Një koncesion i Qeverisë Rama, nga ato të shumtat.

Dhe kompania fituese e këtij koncesioni, është pikërisht kompania "NOA".

Pra, kemi të bëjmë me një koncesion që Qeveria ka dhënë për vulosjen e pompave të furnizimit të mjeteve me karburant.

Një koncesion i paralajmëruar se po merrej nga kompania "NOA". Një kompani “spektakolare”, e shumëdenoncuar, e përfshirë në çështje të ndryshme denoncimesh dhe aferash me Qeverinë.

Nga ana tjetër, në lidhje me këtë koncesion, një grup kompanish i janë drejtuar me një letër-ankesë Autoritetit të Konkurrencës, si dhe 3 ministrive, asaj të Infrastrukturës, Financave dhe Drejtësisë.

Por, çudia vjen nga Autoriteti i Konkurrencës.

Ashtu sikurse edhe në dokumentin më poshtë, në përgjigjen nga Autoriteti i Konkurrencës, thuhet se “'NOA CONTROL SH.P.K.', në bazë të Kontratës së Koncesionit 'Për shërbimin e kontrollit ligjor të instrumenteve matëse, nëpërmjet verifikimit të instrumenteve shpërndarëse të karburantit dhe gazit të lëngshëm' të nënshkruar me Ministrinë e Financave dhe Ekonomisë, ka të drejtën e vetme dhe ekskluzive të kryejë shërbimin e kontrollit ligjor të instrumenteve matëse, nëpërmjet verifikimit të instrumenteve shpërndarëse të karburantit dhe gazit të lëngshëm në të gjithë territorin e Republikës së Shqipërisë, gjatë gjithë periudhës koncesionare.

Në përfundim të procedurës hetimore, nuk u evidentuan shenja të kufizimit të konkurrencës nga ana e ndërmarrjes 'NOA CONTROL SH.P.K.' në ofrimin e shërbimit të verifikimit të instrumenteve shpërndarëse të karburantit dhe GLN-së, në kuptim të nenit 9 të ligjit nr. 9121/2003.”

Pra, kjo është “perla” e Denar Bibës & Co. Nga njëra anë vetë pranojnë se është një kompani monopol, që ka të drejtën ekskluzive dhe nga ana tjetër thonë që “nuk ka shkelje të konkurrencës”. Një shpikje kjo e padëgjuar më parë, që vetëm mendje “brilante” mund ta bëjnë.

Dhe në përfundim të “hetimit”, Komisioni i Konurrencës ka vendosur të mbyllë procedurat.

“Komisioni i Konkurrencës mori Vendimin nr. 884, datë 18.05.2022, nëpërmjet të cilit vendosi mbylljen e procedurës së hetimit paraprak dhe detyrimin e ndërmarrjes 'NOA CONTROL SH.P.K.', si një ndërmarrje me të drejta të veçanta, që gjatë ushtrimit të aktivitetit të saj të respektojë parimet dhe rregullat e konkurrencës, veçanërisht parashikimet e nenit 9 të ligjit nr. 9121/2003 'Për mbrojtjen e konkurrencës'".-thuhet në dokument.

Por, si nuk ka shkelje të konkurrencës, kur je një kompani monopol?

Një treg i hapur do të thotë konkurrencë.

Ndërsa në këtë rast një kompani private, me një palë pinca në dorë, do të marrë 70 milionë euro.

Kompania "NOA", në koncesionet e Rilindjes

Por, nuk është vetëm ky koncesion ku del emri i "NOA"-s.

CNA.al ka raportuar në lidhje me tenderat me procedura të dyshimta në Ujësjellësin e Tiranës, ku fituese del sërish "NOA".

Pikërisht tek Ujësjellësi, ku zhvillohen tendera, kualifikohet ndonjë kompani sipas procedurave ligjore. Por, më pas del një shpikje korruptive, për interes të "NOA"-s.