3 zyrtarët e Kadastrës dhe Fondit Shqiptar të Zhvillimit, në hetim/ Gjykata, e butë me masat e sigurisë

13 Qershor 2022, 12:01, Aktualitet CNA

3 zyrtarët e Kadastrës dhe Fondit Shqiptar të Zhvillimit, në

Gjykata e Tiranës

Një zyrtar i Fondit Shqiptar të Zhvillimit dhe dy zyrtarë shtetërore të Kadastrës janë pezulluar nga detyra të hënën.

Ata akuzohen nga Prokuroria e Tiranës për falsifikim dokumentesh.

Zyrtarët janë Lediana Bardhi, Rajmonda Dashi, Thanas Leka dhe Dario Vasili.

Hetimet

Prokuroria pranë Gjykatës së Shkallës së parë Tiranë, me datën 19.10.2020 ka regjistruar procedimin penal nr.6940 për veprën penale “Falsifikimi i dokumenteve” parashikuar nga neni 186 i K. Penal, me kallëzues shtetasin P. B.

Shtetasi P.B ka kallëzuar shtetasit L.B dhe shtetasin L.L, ku sipas tij është ndodhur përpara një situate flagrante paligjshmërie pasi këta dy persona në bashkëpunim mes tyre, por edhe me persona të tretë, në kundërshtim dhe shkelje të hapur të ligjit kanë përvetësuar pasurinë e kallëzuesit, përmes paraqitjes së fakteve të rreme si dhe duke falsifikuar dokumentet.

Masat e sigurisë

Në vijim të hetimeve nga ana e Prokurorisë dhe më pas të miratuara nga ana e Gjykatës së Rrethit Gjyqësor Tiranë, janë caktuar masat e sigurisë ndaj shtetasve, si më poshtë:

L.B si person i dyshuar për kryerjen e veprës penale “Falsifikimi i dokumentave” të parashikuar nga neni 186/3 i K.penal dhe ‘‘Shpërdorimit të detyres‘‘ parashikuar në nenin 248 të K.Penal, aktualisht me detyrë pranë Fondit Shqiptar të Zhvillimit.

Masa e sigurisë “Detyrim për t'u paraqitur në policinë gjyqësore” neni 234 dhe "Pezullimi i ushtrimit të një detyre a shërbimi publik’’ neni 240.1.a i K.Pr.Penale.

R.D si person i dyshuar për veprën penale të ‘‘Shpërdorimit të detyrës" parashikuar nga neni 248 të K.Penal, aktualisht me detyrë pranë DP AshK.

Masa e sigurisë “Detyrim për t'u paraqitur në policinë gjyqësore” neni 234 dhe "Pezullimi i ushtrimit të një detyre a shërbimi publik’’ neni 240.1.a i K.Pr.Penale.

Th. L si person i dyshuar për kryerjen e veprës penale të ‘‘Shpërdorimit të detyrës‘‘ parashikuar në nenin 248 të K.Penal aktualisht me detyrë pranë DP AshK.

Masa e sigurisë “Detyrim për t'u paraqitur në policinë gjyqësore” neni 234 dhe "Pezullimi i ushtrimit të një detyre a shërbimi publik’’ neni 240.1.a i K.Pr.Penale.

D.V si person i dyshuar për kryerjen e veprës penale të ‘‘Shpërdorimit të detyrës‘‘ parashikuar në nenin 248 të K.Penal aktulaisht pa punë.

Masa e sigurisë “Detyrim për t'u paraqitur në policinë gjyqsore” neni 234.

Në vazhdim, po vijohet me ekzekutimin e Udhrit të Ekzekutimit të arrestit të nxjerrë nga Prokurori Bledar Valikaj./CNA.al