web counter
LEXO PA REKLAMA!

SHKARKO APP

App Store
Google Play

Vjosa, Park Kombëtar/ Rama nuk ndal ironitë dhe propagandën

13 Qershor 2022, 11:33, Aktualitet CNA

Vjosa, Park Kombëtar/ Rama nuk ndal ironitë dhe propagandën

Kryeministri Edi Rama është bërë pjesë e takimit të zhvilluar me ekspertë të organizatës së njohur amerikane ‘Patagonia’, për të shpallur Vjosën “Park Kombëtar”.

Rama nuk ka kursyer ironitë edhe propagandën. Kryeministri u shpreh se ndërsa të tjerët janë kthyer në qenë dhe mace të cirkut që prodhojnë energji, lumi Vjosa do të prodhojë ardhmëri.

“Kur na thonë që ky është lumi i fundit i egër në Europë, harrojnë që lumenjtë e tjerë të egër i kanë zbutur dhe këtu e duan të egër. Ne nuk jemi kundër pasi këtë që po e bëjmë e bëjmë sepse mendojmë se është e ardhmja. Për këta që e duan Vjosën të egër s’mund të ndërtojmë një rezervat me njerëz të egër për t’ia përshtatur kënaqësisë së tyre për një lum të egër në Europë, por ta kthejmë në një hapësirë që mbron mjedisin dhe ushqen gjeneratat që do t’ua lëmë Vjosën atyre që do t’ua lëmë trashëgimi.

Janë bërë si qentë dhe macet e cirkut që prodhojnë energji, ndërsa Vjosa do të prodhojë ardhmëri.

Ne e vendosëm Vjosën në mbrojtje. Ne e kthyem në zonë të mbrojtur për të mos lejuar ndërtimin e hidrocentraleve. Është njësoj se duhet t'ua fusnim në vesh disave që nuk e dinin se kush ishte Vjosa. Jemi këtu për të kaluar në një fazë tjetër nga zona e mbrojtur në Parkun Kombëtar.

Jemi angazhuar në një projekt shumë të madh. Ne deri më sot i kemi shtuar territorit të vendit zona të mbrojtura.

Do të vazhdojmë me moratoriumet se është domosdoshmëri”, tha Rama./ CNA.al





Lajmet e fundit nga