LEXO PA REKLAMA!

SHKARKO APP

“Takohemi në SPAK”/ Inceneratorët "përplasin" Kryemadhin dhe Veliajn

5 Korrik 2022, 15:28, Aktualitet CNA
“Takohemi në SPAK”/ Inceneratorët
Foto ilustruese

Kryetari i Bashkisë, Erion Veliaj ka reaguar pas deklaratës dhe akuzave të kryetares së LSI, Monika Kryemadhi në lidhje me aferën e inceneratorëve.

Përmes një interviste, Veliaj u shpreh: “Ka kohë që nuk e dëgjoj Kryemadhin, që kur e çoi shkollën “Sami Frashëri” në Paskuqan. Sa herë vajton raste të tilla, më ngjan si njeriu që vajton, që nuk ishte pjesë e plaçkës. Janë muhabete brenda familjes së tyre, se i kanë ndërtuar me burrin e vet. Për mua përbën zero interes publik”, tha Veliaj.

I menjëhershëm ka qenë edhe reagimi i kryetares së LSI, Monika Kryemadhi e cila në një deklarate për mediat iu kundërpërgjigj Veliajt.

“Iku koha ku me letra higjenike zbukuroje pemët e Gjykatës së Lartë. Takohemi në SPAK. Të gjitha akuzat dhe paditë e mia janë në SPAK me fakte autentike, me fatura, me firmën e vendosur me 27 mars të 2017 me numër protokolli dhe me vulën e Bashkisë së Tiranës”, tha Kryemadhi. / A.E-CNA.al

Lajmet e fundit nga