web counter
LEXO PA REKLAMA!

SHKARKO APP

App Store
Google Play

E fundit!

x

Mustafa Nano: Perëndimin doja ta prekja sikur të ishte një gocë

4 Korrik 2022, 22:57, Aktualitet CNA
Mustafa Nano: Perëndimin doja ta prekja sikur të ishte një
Analisti Mustafa Nano

Analisti Mustafa Nano ka folur sot për ëndrrën e tij, për të ikur në vendet perëndimore.

Nano tha në emision "Të Paekspozuarit" dëshira e tij për Perëndimin, ishte ashtu si dëshira e një personi kur “prek një gocë”.

Ai u shpreh se emigracioni nuk i eci shumë mirë, ndërsa tregoi se u rikthye në Shqipëri pas arrestimit të Fatos Nanos.

“Unë kur ika në Itali kam qenë kryetar i PD në Skrapar dhe anëtar i saj. Ishte koha kur erdhëm në pushtet dhe unë bëra ndonjë përpjekje dhe më thoshte mendja që mund të vija në Tiranë. Kisha një eksperiencë me Perëndimin dhe i kërkova në ‘92 Kastriot Islamit një vizë, kisha dëshirë për të njohur Perëndimin. Nuk e di nëse po më sheh si budalla, por bëra një gjest që s’mendoja asgjë, doja të prekja perëndimin siç prek robi një gocë.

Nuk ndenja shumë se pata përvojë të keqe nuk më eci emigracioni, gjatë kohës që isha aty ishte arrestuar Fatos Nano dhe vetëm përmes telefonatave mora vesh arrestimin e tij dhe më duhet të them se jam tronditur. Isha akoma demokrat në atë periudhë, nuk kisha asgjë kundër PD dhe Berishës. Kam qenë në Itali dhe nga andej kam ardhur në qershor 93. Në ato momente kam thënë prit tani kjo është një mbrapshti.

Nuk mendova asgjë por pash që u arrestua lideri i një partie politike. Fakti që Fatos Nanos po i bëhej një proces i gabuar, kjo ka qenë tronditja ime e parë me PD.  Divorci im me PD erdhi pasi jam kthyer nga emigracioni dhe aty unë u rreshtova kundër idesë për largimin e Eduard Selamit. Berisha pastaj më ofroi të ikja diplomat. Edhe pse në atë periudhë nuk isha armik i rëndësishëm, pala tjetër këtë mendonte. Ika diplomat pastaj dhe nga ‘97 kam qenë në Zagreb, po u mërzita dhe aty dhe u ktheva kur fitoi PS”, theksoi analisti./ B.A. – CNA.al





Lajmet e fundit nga