web counter
LEXO PA REKLAMA!

SHKARKO APP

App Store
Google Play

Simbolika e Presidentit/ Për ku është nisur “treni i Metës”!?

4 Korrik 2022, 21:53, Aktualitet CNA
Simbolika e Presidentit/ Për ku është nisur “treni i
Meta në tren

Presidenti në ikje Ilir Meta ka publikuar një video i hipur në tren duke udhëtuar drejt Ljubjanës, ku do të zhvillojë një takim me Presidentin e Sllovenisë, Borut Pahor.

Ajo që të bie në sy, nuk është kënaqësia e Metës që po udhëton me tren, i cili duket si një fëmijë i lumtur që ka hipur për herë të parë në autobuzin e unazës, por simbolika që ai kërkon të transmetojë.

Dhe sa për simbolika e mesazhe të koduara, Presidenti Meta mban kampion.

Në pesë vite në krye të shtetit, sa herë ka pasur sulme e goditje të forta ka gjetur një simbolike për të transmetuar mesazhin e tij, se ai nuk dorëzohet.

Kujtojmë ngjitjen në Malet e Tropojës, kur po sulmohej nga mazhoranca për heqjen e mandatit të presidentit, duke treguar se malet nuk tunden dhe ai del gjithmon triumfator.

Hedhja në det jo me kokë, por me këmbë, në kohën kur ishte nën sulmet e forta të ambasadores  amerikane Kim.

Mbledhja e qershive, duke treguar se ai pret sa te bëhen frutat, pastaj i mbledh, në kohën e akuzave për korrupsion.

Tashmë vjen treni !

Mos vallë me këtë simbolikë, Meta po kërkon të na tregojë se ai i ka hipur trenit të politikës, dhe do të rikthehet  fuqishëm në skenën politike dhe në krye të LSI-së?!

Mbetet për të parë se ku do të shkojë "treni i Metës", drejt majave të politikëse, apo do të jetë thjeshtë "një xhiro" për të mbyllur karrierën politike./CNA.al

 





Lajmet e fundit nga