web counter
LEXO PA REKLAMA!

SHKARKO APP

App Store
Google Play

E fundit!

x

"Erdhën dy djem, më thanë firmos këtu!"/ 90-vjeçarja tregon si u mashtrua

4 Korrik 2022, 18:24, Aktualitet CNA

 

"Erdhën dy djem, më thanë firmos këtu!"/
Haxhire Gurakuqi

Mashtrimi me inceneratorët duket se nuk ka fund. Në mashtrimin e shekullit janë përshirë edhe dy të moshuar Thanas Çani dhe Haxhire Gurakuqi.

90 vjeçarja Hatixhe Gurakuqi, e cila jeton në një azil pleqsh në Tiranë, ka treguar  se  dy djem i kanë shkuar në azil, ku edhe jeton që prej dëmtimit të banesës nga tërmeti dhe i janë prezantuar si zyrtarë të Prokurorisë.

Ata i kanë dhënë disa dokumente për të firmosur, në këmbim të lirimit të kursimeve të saj prej 600 mijë lekësh të vjetra në bankë, të cilat i ishin bllokuar.  

Këtu duket se fillon skema e mashtrimit ndaj të moshuarës. Paratë, nuk dihet ku kanë shkuar.

"Më vijnë dy djem këtu, më thanë jemi të prokurorisë, kemi ardhur për punën e atyre lekëve që të kanë bllokuar. Më dhanë dokumente për të firmosur, i besova se thanë jemi të prokurorisë. Më thanë që do kisha mundësi të merrja paratë e mia.

Drejtori më bëri një shenjë, po unë e kuptova vonë. Ma bëri me dorë, që mos e firmos. Por unë e kisha firmosur. Ishin dy persona. Kam dyshime tani. Marrin pasaportat, japin lekët dhe marrin pasaportat. 

E gjitha që më kanë bërë, është mashtrim, hajdutët. Pasi firmosa, as kursimet e mia nuk i mora dot. Zoti të marrë hak, jam në hallin tim", u shpreh e moshuara./CNA.al





Lajmet e fundit nga