LEXO PA REKLAMA!

SHKARKO APP

Shpërthime në Porto Romano/ Banorët të alarmuar, bëjnë thirrjen urgjente

4 Korrik 2022, 11:42, Aktualitet CNA

Shpërthime në Porto Romano/ Banorët të alarmuar,

Shpërthimet e vazhdueshme në fabriken e prodhimit të bombolave të vogla janë kthyer në një shqetësim serioz për banorët e Porto Romanos në Durrës.

Ditën e djeshme, banorët thonë se ka pasur shpërthime të tjera që kanë shkaktuar panik në zonë.

Sot, një përfaqësi e banorëve iu drejtuan institucioneve për të gjetur një zgjidhjë për largimin e depozitave nga zona.

Një ndër banorët, tha për "Abc News" se i janë drejtuar prefekturës dhe bashkisë së qytetit, por që janë injoruar nga drejtuesit.

Banorët kërkojnë të merren masa dhe të shmanget një tragjedi e mundshme, pasi siç shprehen ata, nëse ndodh përsëri një incident si ai i disa ditëve më parë, e gjithë zona do të shuhet nga shpërthimi. Kërkesa e vetme e tyre është që firma që ka instaluar depozitat e gazit, të largohet nga ai vend.

Dy javë më parë në këtë vend shpërtheu një zjarr gjatë procesit për mbushjen e bombolave të gazit të përmasave të ndryshme. Zjarri u vu shumë shpejt nën kontroll, duke shmangur një katastrofë të mundshme. Për shuarjen e zjarrit kanë ndihmuar edhe automjetet e stacionit zjarrfikës të qytetit, ndërkohë që këta të fundit kanë ndëshkuar firmën “Power Gas” me masë administrative. 

Lajmet e fundit nga