“90-vjeçarja me pasuri 30 mln $”/ E moshuara: Jetoj në azil, s'kam lidhje me inceneratorët

4 Korrik 2022, 18:13, Aktualitet CNA

“90-vjeçarja me pasuri 30 mln $”/ E moshuara: Jetoj në

Haxhire Gurakuqi

Një 90-vjeçare, e cila jeton në azil prej dy vjetësh, sot në mëngjes është gdhirë milione, sipas denoncime të bërë në media nga kryetarja e LSI-së znj. Kryemadhi, e moshura ka në një biznes prej 30 milionë dollarësh në Lezhë. Bëhet fjalë për të moshuarën Haxhire Gurakuqi. Por kjo deklaratë ka lënë pa fjalë zonjën e moshuar, e cila në një intervistë për Syri TV, shprehet se nuk ka asnjë lidhje me inceneratorët dhe prej dy vitesh jeton në një azil në Tiranë, pasi i është dëmtuar shtëpia nga tërmeti dhe i biri nuk interesohet për të.

Gruaja është e braktisur në azil dhe jeton në kushte të vështira ekonomike.

E pyetur nëse ajo ka dijeni për bizneset që janë në emër të saj dhe përfitimet nga inceneratorët, e moshuara thotë se nuk di gjë.

Për biznesin në Lezhë në emër të saj dhe 94-vjeçarit Thanas Çani, 90-vjeçarja shprehet se nuk ka qenë kurrë në këtë qytet.

Ajo sqaron se të dhënat e saj janë janë marrë nga pasaporta, ndërsa shton se nuk i njeh personat që e kanë përfshirë në mashtrim.

Haxhire Gurakuqi: “Kam jetuar në shtëpi me qera mbi 20 vite. Tërmeti më shembi shtëpinë Iu drejtova bashkisë, nuk më ndihmoi. Jetoj në Azil që në momentin që ra tërmeti. Nuk i njoh personat që më kanë përfshirë në këtë mashtrim. Jetoj vetëm me lekët e pensionit, kam rënë pre e mashtrimit. Mi kanë marrë të dhënat nga pasaporta. Unë as nuk e di çfarë janë këto kompani. Më thanë ke një biznes të madh në Lezhë, ndërkohë që unë nuk kam qenë kurrë në atë qytet.

Në bazë të dokumenteve që publikoi kryetarja e LSI-së, Monika Kryemadhi, dy të moshuarit janë bërë përfitues të 30 milionë eurove.

Thanas Çani dhe Haxhire Gurakuqi rezultojnë me pasuri marramendëse.

“Thanas Çani dhe Haxhire Gurakuqi kanë kompani 35 milionë dollarë, u është shitur dy personave njëri 94 dhe tjetri 95 vjeç duke faturuar fatura fiktive dhe false. Kompanitë shërbejnë si lavatriçe për pastrimin e parave. Këto kompani i kemi hetuar se kanë dalë të lidhura me inceneratorët, kemi arritur në rezultatin se janë të përfshira kompani që kanë fituar konçesione. I gjithë sistemi ka funksionuar me një mbikëqyrje perfekte nga kryeministri. Nëse do kishim hetim tatimor që do hetonte do shikonte që frutat ekzotike janë shndërruar në asfalt. Të gjithë materialin ia kemi bërë gati prokurorisë së posaçme. Për të 24 kompanitë do të informojmë prokurorinë në mënyrë që ata të mos bëjnë asgjë tjetër, por vetëm të verifikojnë. Të verifikojnë edhe këta 94-95 vjeçarët që kanë blerë biznese 30 milionë dollarë” u shpreh Kryemadhi. /CNA.al