LEXO PA REKLAMA!

SHKARKO APP

“Janë dënuar vetëm ‘peshqit e vegjël’”/ Gazetarja: Afera e inceneratorëve përfshin disa institucione

4 Korrik 2022, 21:44, Aktualitet CNA
“Janë dënuar vetëm ‘peshqit e
Landfilli i Sharrës

Gazetarja Ola Xana ka folur mbrëmjen e sotme për aferën e inceneratorëve, aferë kjo e denoncuar me dokumenta dhe fakte prej kohësh nga CNA.al.

Xana tha se ky skandal përfshin disa institucione, duke përmendur këtu edhe Drejtorinë e Tatimeve dhe Prokurorinë.

Ajo deklaroi në emisionin “Open”, se deri më tani institucionet e drejtësisë kanë arrestuar dhe dënuar vetëm “peshqit e vegjël”.

“Në një vështrim të parë nuk është i përfshirë vetëm një institucion, së fundmi del edhe tatimet edhe prokuroria që e ka hetuar më parë që në 2016-12017 dhe është hetuar vite më parë dhe janë dënuar vetëm “peshqit e vegjël”.

Në këtë skemë kanë qenë të përfshirë kompani shumë më të mëdha. Pse u intereson kompanive faturat fiktive, sepse asnjëherë vlera me të cilën fitohet kontrata nuk është e njëjta. Me anë të TVSH edhe tatimet futen në thesin e shkeljeve.

Si ka mundësi që kemi agjensinë e koncesioneve që thonë janë bërë 30 milion euro punime kur aty është bërë treg frutash ekzotike jo inceneratorë?”, theksoi gazetarja./ B.A. – CNA.al

Lajmet e fundit nga