web counter
LEXO PA REKLAMA!

SHKARKO APP

App Store
Google Play

E fundit!

x

Qeveria, 50 milionë euro për dy inceneratorë/ Asnjëri nuk punon

13 Maj 2022, 08:28, Denoncim CNA

Koncesioni i inceneratorëve, një ndër aferat më të akuzuara, për të cilën tashmë janë në pranga një ish-ministër dhe një ish-deputet i PS-së, të dy produkte të bashkëqeverisjes Rama-Meta, filloi në vitin 2014. Pra, me ardhjen e Rilindjes në pushtet.

Një histori që fillon në Elbasan me 22 milionë euro, shkon në Fier me 28 milionë euro, për të mos folur më pas për Tiranën, ku duket se zullumi është ende më i madh.

Bëhet fjalë, për disa qindra miliona euro, ku ndërlidhen të njëjtët emra, të njëjtët personazhe, por me emra kompanish të ndryshme, të cilat fillojnë në Tiranë, përfundojnë në Maltë dhe në Holandë.

cna denoncimeVetëm për Fierin dhe Elbasanin janë dhënë nga Qeveria shqiptare, pra nga paratë e taksapaguesve, 50 milionë euro për inceneratorë, ndërkohë që asnjëri prej tyre nuk punon.

Kryeministri Edi Rama ka tentuar të justifikohet me zhdukjen e maleve me plehra.

Por, kush mban përgjegjësi për kostot katastrofike?

Kryeministri po përpiqet të justifikojë inceneratorët dhe shumat e parave të mëdha të përdorura, me “vizionin e tij” për pastërtinë.

Po për dështimin me qindra miliona euro, kush do të përgjigjet? 

Sa është fatura e kësaj “pastërtie”, që pretendon Kryeministri? Këtë përgjigje Rama duhet t’ua japë shqiptarëve, taksapaguesve.

Dhe për më tepër që nuk ka incenerator në funksion as në Tiranë dhe as në Fier.

Në Fier janë me dhjetëra e dhjetëra miliona euro të paguara nga taksat e shqiptarëve, dhe disa muaj më parë, qyteti u mbulua nga shtëllunga tymi, nga plehrat që digjeshin.

I vetmi incenerator ekzistues është ai i Elbasanit.

Por, edhe aty ku ka incenerator, nuk punojnë, nuk prodhojnë asgjë. Thjesht duan qindra mijëra euro në muaj që të qëndrojnë ndezur.

Nga ana tjetër, është edhe Tirana, ku zullumi është edhe më i madh. Një kontratë 430 milionë euro ku nuk ka incenerator, por landfill që mbush xhepat e Klodian Zotos e Mirel Mërtirit.

Në kodrat e Sharrës, kemi vetëm një landfill.

Vendoset poshtë një qese e një teknologjie të caktuar, hidhen plehrat, hidhet dhe sipër dhe plehrat mbulohen. As në Tiranë nuk ekziston inceneratori.

Qytetarët e Tiranës paguajnë për incenerim mbetjesh, ndërkohë që nuk ka incenerator.

Një vjedhje e tillë nuk mund të ngelet me Kokën e Bllakon sepse ata nuk janë ?koka? e skemës. SPAK-u duhet të zbardhë gjithë skemën korruptive, jo të shpëtojë ortakët dhe urdhëruesit e inceneratorëve.

Kryeministri Edi Rama nuk mund të justifikojë një mal me para, për një mal me plehra. Por, përgjegjësit për kostot katastrofike duhet të dalin para drejtësisë, qofshin këta edhe në godinën e Kryeministrisë./CNA.al

Inceneratorët, vjedhja e shekullit/ Pse po hesht SPAK-u

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

51 fakte dhe dokumente për aferën e inceneratorëve

Inceneratorët, histori krimi dhe korrupsioni/ Rama, një mal me para, për një mal me plehra

Rama mbron aferën e shekullit/ Justifikon një mal me para, për një mal me plehra

Miliona euro për inceneratorin që nuk ekziston/ Kur do “zgjohet” SPAK, për Tiranën?

Dokumentet ekskluzive/ Shifrat marramendëse, zbulohen pagesat për inceneratorin e Tiranës





Lajmet e fundit nga