LEXO PA REKLAMA!

SHKARKO APP

E fundit!

x

I grabitën shtëpinë dhe nuk i japin lekët prej 11 vitesh/ Endri Prifti akuza drejtësisë

9 Maj 2022, 08:47, Denoncim CNA

Këngëtari i njohur korçar, Endri Prifti, ka reaguar pas akuzave të ish-bashkëshortes, Anjeza Kolevica, pas denoncimit të tij në emisionin investigativ “Stop”, kur tha se ish-gruaja i kishte grabitur pronën.

Gjatë emisionit “Dola te Ola”, i pyetur nëse ka një koment për akuzat e ish-gruas, Prifti tha se nuk do të reagojë edhe sikur ajo të ketë bërë një mijë të zeza, pasi është nëna e djalit të tij.

Këngëtari thekson se këtë e ka lënë në dorë të institucioneve të cilat po merren me çështjen.

?Unë nuk dua të them asnjë koment, unë i prisja. Unë kam një djalë me të që e kam si jetën time dhe nuk dua të them asgjë sikur një mijë të zeza të ketë ajo mbi kurriz. Nuk dua të them asgjë sepse është nëna e djalit tim. Ua kam lënë institucioneve në dorë?, u shpreh Endri.

Kujtojmë se Endri Prifti akuzoi drejtësinë e këtij vendi që manipuluan dhe grabitën shtëpinë e nuk i japin lekët që pagoi në bankë prej 11 vjet.

?Kisha një martesë, në 2007-n, u martova për herë të dytë dhe blemë një shtëpi të cilën e vendosa në emër të gruas dhe pas 1 viti-2 vitesh bëmë divorcin. Në gjyqin e divorcit të zgjidhjes së martesës, ne ramë dakord që ish-bashkëshortja të merrte të gjitha orenditë e shtëpisë dhe unë do të vazhdoja të paguaja kredinë për 12 vjet që kishin mbetur, a 11 sa ishin?

Nga 500-600 euro çdo muaj, të cilën unë e vazhdova dhe e kreva për 11 vjet. Vitin e fundit me një manipulim, ish-bashkëshortja pagoi kesh diferencën që kishte mbetur, duke e shitur më pas padrejtësisht. E shitën dy herë brenda një muaji vetëm për të manipuluar çështjen. Për herë të parë iu shit një shoqes së ngushtë të ish-bashkëshortes, këtë e vërteton kush të dojë dhe pastaj pas 1 muaji ia shitën dikujt tjetër, pra shpëtuan nga procesi gjyqësor me këtë?, denoncoi pak javë më parë Endri Prifti./ CNA.al

Lajmet e fundit nga