LEXO PA REKLAMA!

SHKARKO APP

"Fiks Fare"/ Në prag të verës, Orikumi u ofron turistëve ‘turizëm-pompor’

6 Maj 2022, 18:46, Denoncim CNA

Nëse u bie rruga të vizitoni qytetin e Orikumit dhe kaloni te pallatet e ndërtuara para viteve ?90 do të gjeni në çdo hyrje pallati pompa uji të instaluara në hyrje të pallateve.

Numri  i tyre varion nga 8 në 16 pompa për çdo hyrje. Edhe pse mbi 30 vjet demokraci, politikanët në çdo fushatë kanë premtuar ujë të pijshëm 24 orë, asnjëherë deri më sot për Orikumin nuk është bërë gjë.

Banorët tregojnë se uji i pijshëm në qytet është me orar të kufizuar ku ka vetëm një orë paradite dhe gjysmë ore pasdite.  Edhe pse investimi i rezervuarit dhe shtrimi i tubave është  bërë nga një projekt gjerman, e gjitha ka mbetur pezull vetëm për t?u bërë lidhjet. Dhe ata që vuajnë janë banorët e Orikumit të cilët në këto kushte mundohen të bëjnë dhe turizëm. “Ne jemi bërë të mbajmë nga një pompë për dhomë e jo për apartament?, shprehet njëri prej banorëve për “Fiksin”.

“Fiksi” pyeti në Njësisë Administrative Orikum, ku zoti Selim Haskoelaj fajësoi banorët për pompat e shumta që vihen nëpër pallate.  ?Një shtëpi e pompë e bëjmë për shkak të marrëdhënieve të mira që kanë qytetarët me njëri-tjetrin, që nuk bien dot dakord që të vënë një pompë të përbashkët. Ne shqiptarët jemi gjithmonë kokë më vete??, shprehet administratori.

Ai shpjegon për “Fiksin” se në këtë njësi administrative bëjnë pjesë katër fshatra: Dukati i Ri, Tragjasi, Radhima, Orikumi. Në Dukatin e ri është  zbatuar projekti gjerman, për furnizimin me ujë të pijshëm dhe kanë ujë 24 orë.  Ai tregon se të njëjtën gjë do të bëjnë edhe për Orikumin duke filluar në fund të muajit maj. ?Nga fundi i muajit maj më ka thënë drejtori i FSHZH-së do të fillojë projekti, lekët janë gjetur. Është një projekt që bëhet bashkë me Himarën, rreth 2 milionë euro, që do të bëhet dhe Orikumi, Tragjasi dhe Radhima?,  tha z, Haskoelaj. Ai u premtoi gazetarëve të “Fiksit” se shumë shpejt Orikumi do t?i heqë pompat e ujit duke u furnizuar 24 orë në 24./ tch

Lajmet e fundit nga