web counter
LEXO PA REKLAMA!

SHKARKO APP

App Store
Google Play

Nxënësja me probleme të shëndetit mendor/ Nuk i caktojnë mësues ndihmës

5 Maj 2022, 19:31, Denoncim CNA

Problematika e një vajze në klasë të tretë me probleme të shëndetit mendor është tematika e radhës e denoncuar në emisionin “Stop” në Tv Klan.

Arjan Karriqi, babai i vajzës, tregon se pavarësisht se ka dorëzuar dokumentet në Drejtorinë Arsimore, e bija nuk ka mësues ndihmës.

Arjan Karriqi: Vajza ime është në klasën e tretë te shkolla “28 Nëntori”. Është diagnostikuar me vonesë zhvillimi dhe e kemi ndjekur tek institucionet dhe kur e solla në klasë të parë, kam bërë dokumentet për mësuese ndihmëse.

Gazetarja e “Stop” takoi drejtorin e shkollës ?28 Nëntori? në zonën e Laprakës në Tiranë. Ai tha se me këtë rast është njohur që kur vajza ishte në klasën e parë.

Por sipas tij, prindi i vajzës, vetëm në mars 2022, ka çuar raport mjeko-ligjor me diagnozën dhe nevojën që ka ky fëmijë për mësues mbështetës.

Drejtori i shkollës: Ecurinë e nxënëses e kemi që nga klasa e parë. Por insistimin e prindit për të pasur mësues ndihmës e kemi arritur vetëm tani në datën 17 mars, kur psikologia nëpërmjet kërkesave që i ka çuar që në tetor e më vonë e ka bindur këtë prind që të shkojë ta nxjerrë para Komisionit Mjeko-Ligjor i Psikiatrisë dhe më pas i është konfirmuar një raport nga ky komision. Prindi ka bashkëpunuar vetëm në marsin e këtij viti ndërsa më parë vetëm kanë qenë seanca këshillimore. Ky fëmijë ka qenë me vështirësi në të nxënë nga klasa e parë dhe në vazhdim.

Pas një ballafaqimi mes prindërve dhe drejtorit, rezulton se ka qenë komisioni mjeko-ligjor që nuk i ka lëshuar dokumentin, duke pretenduar se kërkohej dokument për KEMP dhe jo për mësues mbështetës.  /tvklan.al





Lajmet e fundit nga